Teńgemen qamtamasyz etilgen alǵashqy steiblkoin erteń, 2025 jyly 23 qyrkúiekte Astanada ainalymǵa qosylady. Bul týraly Ulttyq Bank habarlady. Ol vedomstvonyń "retteýshi qumsalǵyshy" sheńberinde iske qosylatyny da naqtylanady, dep habarlaidy Dalanews.kz.
Jalpy, buǵan deiin Ulttyq Bank basshysy Timýr Súleimenov jyl sońyna deiin elimizde teńgemen qamtamasyz etilgen úsh steiblkoindy iske qosý josparlap otyrǵanyn aitqan bolatyn.
"Bizdiń "tsifrlyq qumsalǵyshta" teńgemen qamtamasyz etilgen steiblkoin boiynsha úsh joba bar. Biz shilde aiynda iske qosyldyq. Qazir biz áriptesterimizben óte tyǵyz jumys isteýdemiz jáne olar qyrkúiektiń sońyna deiin teńgemen qamtamasyz etilgen steiblkoindi iske qosýǵa ýáde berip otyr. Sonymen qatar, kelesi joba qarasha aiyna josparlanǵan, sodan keiingisin taǵy kóre jatarmyz. Kompaniia atyn atai almaimyn, olar ózderi bul týraly aqparat taratatyn bolady. Biraq biz atalǵan jaitty mindetti túrde nasihattaityn bolamyz. Bul Ulttyq Banktiń retteýshi qumsalǵyshynda bolady", - degen edi Astana Finance Days forýmynyń aiasynda Ulttyq Banktiń tóraǵasy Timýr Súleimenov.
Vedomstvo basshysy steiblkoin tólem quraly bolatynyn jáne naqty álemniń tsifrlyq júiemen ózara áreketin jeńildetetinin de jetkizgen.
"Biz, bir jaǵynan, dástúrli klassikalyq retteýshimiz, biraq artqa sheginýge jol joq ekenin jaqsy túsinemiz. Biz tek alǵa, bolashaqqa qaraýymyz kerek jáne tehnologiia sol úshin de týyndaǵan. Biz ýaqytpen birge júrýimiz kerek, kóptegen shalys ketetin tustar bar, sondyqtan bizge der kezinde dánekti qaýyzynan ajyratyp otyrý kerek bolady. Sonymen qatar, eger biz dástúrli IPO men baǵaly qaǵazdardy alyp qarastyratyn bolsaq, muny da jasai alamyz, biraq bul protsesti jeńildetý úshin jumys isteý kerek. Mysaly, eger sizde JShS bolsa, ony jariia júrgizińiz nemese token jolyna túsińiz. Artyqshylyqtary men kemshilikteri qandai deisizder me? Bul týraly oilaný kerek. Meniń oiymsha, biz bul suraqtarǵa alda jaýap beretin bolamyz", - dep LS Súleimenovtiń sózin keltiredi.
Búgingi tańda Memleket basshysy Qasym-Jomart Toqaevtyń Niý-Iorkte jumys saparymen júrgeni belgili. Prezident BUU Bas Assambleiasynyń 80-shi sessiiasyna qatysyp, birqatar memlekettiń jáne halyqaralyq uiymdardyń basshylarymen kelissóz júrgizedi. Qasym-Jomart Toqaev Niý-Iorkke jumys sapary aiasynda Goldman Sachs Global Institute kompaniiasynyń jahandyq máseleler boiynsha prezidenti Djared Koenmen kezdesip, Qazaqstan jasandy intellekt, qarjy ekojúiesin tsifrlandyrý salalaryndaǵy yntymaqtastyqqa qyzyǵýshylyq tanytatynyn aitty.
