Elordada bir bólmeli páterdiń qunyna teń saǵattardy urlaǵan eki adam sottaldy, - dep habarlaidy Dalanews.kz.
Astana qalasynyń qylmystyq ister jónindegi aýdanaralyq sotynyń úkimi boiynsha, 46 jastaǵy er adam men onyń 61 jastaǵy seriktesi – seifterdi buzýmen ainalysqa. Olar seifti ashyp, jalpy quny 36,1 million teńge bolatyn 5 qolsaǵatty urlaǵan.
Eń qymbat saǵat – Breguet Classique Grande Complication, baǵasy 22,3 million teńge dep kórsetilgen. Qaskóiler bul saǵattardy Shymkent bazarynda nebári 800 myń teńgege satyp jibergen.
Tergeý barysynda jábirlenýshige barlyq saǵattar men aqshasy qaitaryldy, tek satylyp ketken jáne bólshektelgen Breguet Classique Grande Complication saǵatynan basqasy. Odan tek 1,1 million teńgege baǵalanǵan mehanizmi ǵana qalǵan.
Sot seif urysyn 5,5 jylǵa bas bostandyǵynan aiyrdy. Onyń seriktesi 2 jylǵa sottaldy.
Sottalýshylar jábirlenýshige 21,2 million teńge qaryz bolyp qaldy.
