ەلوردادا ءبىر بولمەلى پاتەردىڭ قۇنىنا تەڭ ساعاتتاردى ۇرلاعان ەكى ادام سوتتالدى، - دەپ حابارلايدى Dalanews.kz.
استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمى بويىنشا، 46 جاستاعى ەر ادام مەن ونىڭ 61 جاستاعى سەرىكتەسى – سەيفتەردى بۇزۋمەن اينالىسقا. ولار سەيفتى اشىپ، جالپى قۇنى 36،1 ميلليون تەڭگە بولاتىن 5 قولساعاتتى ۇرلاعان.
ەڭ قىمبات ساعات – Breguet Classique Grande Complication، باعاسى 22،3 ميلليون تەڭگە دەپ كورسەتىلگەن. قاسكويلەر بۇل ساعاتتاردى شىمكەنت بازارىندا نەبارى 800 مىڭ تەڭگەگە ساتىپ جىبەرگەن.
تەرگەۋ بارىسىندا جابىرلەنۋشىگە بارلىق ساعاتتار مەن اقشاسى قايتارىلدى، تەك ساتىلىپ كەتكەن جانە بولشەكتەلگەن Breguet Classique Grande Complication ساعاتىنان باسقاسى. ودان تەك 1،1 ميلليون تەڭگەگە باعالانعان مەحانيزمى عانا قالعان.
سوت سەيف ۇرىسىن 5،5 جىلعا باس بوستاندىعىنان ايىردى. ونىڭ سەرىكتەسى 2 جىلعا سوتتالدى.
سوتتالۋشىلار جابىرلەنۋشىگە 21،2 ميلليون تەڭگە قارىز بولىپ قالدى.
