Astana qalasynda ((beu)) fest festivali ótedi. Bul – 2025 jyldy túiindeitin aýqymdy mýzykalyq is-shara, dep habarlaidy Dalanews.kz
Buǵan deiin Almaty qalasynda uiymdastyrylyp kelgen án merekesin elordalyqtar asyǵa kútýde. Talǵamy biik tyńdarmanǵa erekshe energiia men umytylmas emotsiia syilaityn festival Astanany aiyryqsha atmosferaǵa bólemek.
((beu)) fest 2025 Astana – ómirsheń óner men zamanaýi mýzyka dáripteletin dýman. Bul qazirgi qazaq mýzykasyna qyzyǵýshylyq tanytatyn tyńdarmandar úshin tamasha tartý bolmaq.
Kórermen qaýym festivalde belgili ánshiler men jas juldyzdardyń ónerine kýá bolady. Atap aitqanda, Ninety One, VSXV PRiNCE, Aikyn, Shiza, Yenlik, 6ELLUCCI, Ayau, Marhaba Sabi, ARO, kilemger astanalyqtardy erekshe ánderimen baýraidy. Al kanuraichik, meow! dammit pen plecto alǵash ret ((beu)) fest sahnasynda án shyrqaidy.
((beu)) fest 2025 Astana – qazaqtyń zamanaýi mýzyka ónerine jańa serpin beretin jáne jas talanttardy jurtshylyqqa tanytatyn biregei joba.
Ótetin kúni: 2025 jylǵy 12 jeltoqsan, saǵ.: 18.00
Ótetin orny: «Barys Arena», Astana qalasy
