استانا قالاسىندا ((beu)) fest فەستيۆالى وتەدى. بۇل – 2025 جىلدى تۇيىندەيتىن اۋقىمدى مۋزىكالىق ءىس-شارا، دەپ حابارلايدى Dalanews.kz

بۇعان دەيىن الماتى قالاسىندا ۇيىمداستىرىلىپ كەلگەن ءان مەرەكەسىن ەلوردالىقتار اسىعا كۇتۋدە. تالعامى بيىك تىڭدارمانعا ەرەكشە ەنەرگيا مەن ۇمىتىلماس ەموسيا سىيلايتىن فەستيۆال استانانى ايىرىقشا اتموسفەراعا بولەمەك.

((beu)) fest 2025 Astana – ومىرشەڭ ونەر مەن زاماناۋي مۋزىكا دارىپتەلەتىن دۋمان. بۇل قازىرگى قازاق مۋزىكاسىنا قىزىعۋشىلىق تانىتاتىن تىڭدارماندار ءۇشىن تاماشا تارتۋ بولماق.

كورەرمەن قاۋىم فەستيۆالدە بەلگىلى انشىلەر مەن جاس جۇلدىزداردىڭ ونەرىنە كۋا بولادى. اتاپ ايتقاندا، Ninety One، VSXV PRiNCE، Aikyn، Shiza، Yenlik، 6ELLUCCI، Ayau، Marhaba Sabi، ARO، kilemger استانالىقتاردى ەرەكشە اندەرىمەن باۋرايدى. ال kanuraichik، meow! dammit پەن plecto العاش رەت ((beu)) fest ساحناسىندا ءان شىرقايدى.

((beu)) fest 2025 Astana – قازاقتىڭ زاماناۋي مۋزىكا ونەرىنە جاڭا سەرپىن بەرەتىن جانە جاس تالانتتاردى جۇرتشىلىققا تانىتاتىن بىرەگەي جوبا.

وتەتىن كۇنى: 2025 جىلعى 12 جەلتوقسان، ساع.: 18.00

وتەتىن ورنى: «بارىس ارەنا»، استانا قالاسى