Astana qalasynyń Saraishyq aýdanyndaǵy Belsendi uzaq ómir súrý ortalyǵy 1 sáýirden bastap óz jumysyn bastady, dep habarlaidy Dalanews.kz
Elordada zeinetkerler úshin tegin úiirmeler men sektsiialar jumys isteidi. Bul ortalyqta ońaltý gimnastikasy, trenajerlik zal, ioga, skandinaviialyq serýen, toǵyzqumalaq, shahmat, tennis, eńbek terapiiasy, áleýmettik jeliler úiirmeleri men profilaktikalyq massaj bar.
Ortalyqqa zeinetkerlerdi tirkeý 17 naýryzda bastaldy, qazirgi ýaqytta Saraishyq aýdany boiynsha 60 adam tirkeldi. Ortalyqqa kelip tirkelý úshin zeinetkerdiń jeke kýáligi, zeinetker kitapshasy, Astana qalasynda turǵylyqty jeri boiynsha tirkeýi bolýy qajet.
Aldaǵy ýaqytta Saraishyq aýdanynda áleýmettik-saýyqtyrý, áleýmettik-eńbek, áleýmettik-áýesqoi baǵytynda úiirmeler ashý josparda bar.
Ortalyq filialdary Almaty aýdany boiynsha R.Qoshqarbaev kóshesi, 29/1 úide, Baiqońyr aýdany boiynsha Abai kóshesi, 46 úide, Esil aýdany boiynsha Dostyq keshesi, 13 úide, Saryarqa aýdany boiynsha Beibitshilik kóshesi, 25 úide, Nura aýdany boiynsha Tóle bi kóshesi, 44 úide ornalasqan.
Búginde 15 myńnan astam qala zeinetkeri tegin úiirmeler men sektsiialarǵa qatysýda.
