Астана қаласының Сарайшық ауданындағы Белсенді ұзақ өмір сүру орталығы 1 сәуірден бастап өз жұмысын бастады, деп хабарлайды Dalanews.kz

Елордада зейнеткерлер үшін тегін үйірмелер мен секциялар жұмыс істейді. Бұл орталықта оңалту гимнастикасы, тренажерлік зал, йога, скандинавиялық серуен, тоғызқұмалақ, шахмат, теннис, еңбек терапиясы, әлеуметтік желілер үйірмелері мен профилактикалық массаж бар.

Орталыққа зейнеткерлерді тіркеу 17 наурызда басталды, қазіргі уақытта Сарайшық ауданы бойынша 60 адам тіркелді. Орталыққа келіп тіркелу үшін зейнеткердің жеке куәлігі, зейнеткер кітапшасы, Астана қаласында тұрғылықты жері бойынша тіркеуі болуы қажет.

Алдағы уақытта Сарайшық ауданында әлеуметтік-сауықтыру, әлеуметтік-еңбек, әлеуметтік-әуесқой бағытында үйірмелер ашу жоспарда бар.

Орталық филиалдары Алматы ауданы бойынша Р.Қошқарбаев көшесі, 29/1 үйде, Байқоңыр ауданы бойынша Абай көшесі, 46 үйде, Есіл ауданы бойынша Достық кешесі, 13 үйде, Сарыарқа ауданы бойынша Бейбітшілік көшесі, 25 үйде, Нұра ауданы бойынша Төле би көшесі, 44 үйде орналасқан.

Бүгінде 15 мыңнан астам қала зейнеткері тегін үйірмелер мен секцияларға қатысуда.