Astana qalasyndaǵy turǵyn úilerdiń birinde balalardy uryp-soqqan jigit qolǵa tústi. Onyń videosy áleýmettik jelide tarap ketti, dep habarlaidy Dalanews.kz.
Jelidegi beinejazbaǵa qaraǵanda, oqiǵa turǵyn úilerdiń biriniń kireberisinde oryn alǵan. Onda er adam bir balany soqqyǵa jyǵyp,ekinshisin qylqyndyrǵanyn kórýge bolady. Jeli qoldanýshylary bul oqiǵanyń «Edem palas-2» turǵyn úi kesheninde oryn alǵanyn jazyp jatyr.
Astana qalalyq politsiia departamentiniń baspasóz qyzmeti balalardy uryp-soqqan qaskóidiń qolǵa túskenin málim etti.
«Baiqońyr aýdandyq politsiia basqarmasy atalǵan turǵyn úidiń 30 jastaǵy turǵynyn anyqtap, ustady. Buzaqylyq babymen qylmystyq is qoǵaldy. Sotqa deiingi tergeý amaldary júrgizilip jatyr», - dep jazdy politsiiadan.
