استانا قالاسىنداعى تۇرعىن ۇيلەردىڭ بىرىندە بالالاردى ۇرىپ-سوققان جىگىت قولعا ءتۇستى. ونىڭ ۆيدەوسى الەۋمەتتىك جەلىدە تاراپ كەتتى، دەپ حابارلايدى Dalanews.kz.
جەلىدەگى بەينەجازباعا قاراعاندا، وقيعا تۇرعىن ۇيلەردىڭ ءبىرىنىڭ كىرەبەرىسىندە ورىن العان. وندا ەر ادام ءبىر بالانى سوققىعا جىعىپ،ەكىنشىسىن قىلقىندىرعانىن كورۋگە بولادى. جەلى قولدانۋشىلارى بۇل وقيعانىڭ «ەدەم پالاس-2» تۇرعىن ءۇي كەشەنىندە ورىن العانىن جازىپ جاتىر.
استانا قالالىق پوليسيا دەپارتامەنتىنىڭ باسپا ءسوز قىزمەتى بالالاردى ۇرىپ-سوققان قاسكويدىڭ قولعا تۇسكەنىن ءمالىم ەتتى.
«بايقوڭىر اۋداندىق پوليسيا باسقارماسى اتالعان تۇرعىن ءۇيدىڭ 30 جاستاعى تۇرعىنىن انىقتاپ، ۇستادى. بۇزاقىلىق بابىمەن قىلمىستىق ءىس قوعالدى. سوتقا دەيىنگى تەرگەۋ امالدارى جۇرگىزىلىپ جاتىر»، - دەپ جازدى پوليسيادان.
