Astanada 7 mamyr kúni saǵat 11:00-de Otan qorǵaýshylar kúnine jáne Uly Otan soǵysyndaǵy Jeńistiń 80 jyldyǵyna oraı aýqymdy áskerı sherý ótedi,- dep habarlaıdy Dalanews.kz

Sherý ótetin jerde qaýipsizdik pen baqylaý sharalary kúsheıtiledi. Oǵan Uly Otan soǵysynyń ardagerleri, tyl eńbekkerleri, áskerı is-qımyldardyń ardagerleri, QR Qarýly Kúshteriniń úzdik bólimsheleri, qurmet qaraýyl rotalary, QR Qarýly Kúshteriniń, ózge de áskerler men áskerı quralymdardyń, áskerı quqyq qorǵaý organdarynyń jáne t.b. ardagerleri shaqyryldy.

Elordada 7 mamyr kúni mereke qurmetine konsertter men áskerı sherýdiń tikeleı efıri ótedi. Saǵat 11:00-den bastap úlken LED ekrandarda sherý birden birneshe orynda kórsetiledi:

1. Elorda ákimdigi ǵımaratynyń janyndaǵy qalalyq alańda (tikeleı efır jáne merekelik konsert);
2. «Astana Arena» stadıonynyń aýmaǵynda (tikeleı efır jáne merekelik konsert);
3. «Astana Music Hall» avtoturaq aýmaǵy (Qumyra) B.Momyshuly dańǵyly, 1 (tek tikeleı translásıa).

Sonymen qatar, is-shara respýblıkalyq telearnalardyń tikeleı efırinde kórsetiledi.

Myna jaıttarǵa nazar aýdarý qajet:

• Sherý ótetin aýdanda kólik qozǵalysy shekteledi.
• Qozǵalys baǵytyńyzdy aldyn ala josparlaýdy jáne ózgeristerdi eskerýdi suraımyz.
• Quqyq qorǵaý organdary qyzmetkerleriniń qaýipsizdik erejeleri men nusqaýlaryn saqtaýdy suraımyz.
• Kórsetilgen ýchaskelerden ótý jáne jol júrý barlyq is-shara aıaqtalǵannan keıin qaıta jandanady.