Astanada 7-20-25-pen úı alǵysy kelgen 25 adam san soǵyp qaldy, dep habarlaıdy Dalanews.kz.
2021–2025 jyldar aralyǵynda Instagram jelisi arqyly ózin ıpotekalyq deldal retinde tanystyryp, azamattardyń senimine kirip, olardyń aqshalaryn ıemdengen 30 jastaǵy er adamǵa úkim shyqty.
Ol "7-20-25" baǵdarlamasy arqyly baspana alyp berýge kómektesemin jáne jıhaz jobasyna tıimdi ınvestısıa usynamyn dep azamattardy aldap, iri kólemde qarajat aýdartqan. Alaıda aqshany óz qajetine jumsaǵan.
Barlyǵy 25 adam onyń qylmystyq áreketinen zardap shegip, keltirilgen jalpy zalal 95 mıllıon teńgeden asty.
"Sot aıyptalýshyǵa 6 jyl bas bostandyǵynan aıyrý jazasyn taǵaıyndady", - dep jazylǵan habarlamada.
