Astanada biyl shamamen 180 aýla men qoǵamdyq keńistik abattandyrylady. Jumys qalanyń barlyq aýdanyn, onyń ishinde turǵyn alaptardy qamtidy. Qazirdiń ózinde birqatar jumys aiaqtalǵan. Halyqaralyq balalardy qorǵaý kúnine orai elordanyń alty aýdanynda 40-tan astam aýla men qoǵamdyq keńistik paidalanýǵa berildi, – dep habarlaidy Dalanews.kz
Baiqońyr aýdanynda merekelik is-shara aiasynda 10 jańa aýla ashyldy. Olar balalardyń oinap, demalýyna qolaily zamanaýi orynǵa ainaldy. Atalǵan aýmaqtarda oiyn jáne sport alańdary, shaǵyn arhitektýralyq formalar, demalys aimaqtary ornatylǵan.
Jańa aýlalar myna mekenjailarda ornalasqan:
- Seifýllin kóshesi, 41;
- Beisekbaev kóshesi, 14;
- Sembinov kóshesi, 21;
- Ǵabdýllin kóshesi, 1;
- Toraiǵyrov kóshesi, 3;
- Ýálihanov kóshesi, 3;
- Rahimov kóshesi, 91;
- Shonauly kóshesi, 39 jáne 41;
- Jubanov kóshesi, 3;
- Toraiǵyrov kóshesi, 1.
2025 jyly Baiqońyr aýdanynda 88 aýla abattandyrylady. Olardyń ishinde 18-i keshendi túrde jańǵyrtylady, al qalǵan 70 aýlada jóndeý-qalpyna keltirý jumysy júrgiziledi. 18 aýlanyń 12-si «Halyq qatysatyn biýdjet» jobasy aiasynda abattandyrylmaq.
Almaty aýdanynda 3 aýla tolyq abattandyrylyp, paidalanýǵa berildi. Jumys barysynda oiyn keshenderi, sport alańdary, qoqys jáshikteri, oryndyqtar, avtoturaq aimaqtary jáne vorkaýt alańdary ornatyldy. Ereksheligi – ulttyq stil elementterimen bezendirilgen shaǵyn arhitektýralyq formalar: átkenshekter, qosarly átkenshek, karýselder.
Ashylý saltanaty merekelik kóńil-kúide ótti, oǵan aýdan ákimi men máslihat depýtattary qatysty. Jobalar «Halyq qatysatyn biýdjet» baǵdarlamasy aiasynda júzege asyryldy.
Biyl Almaty aýdanynda taǵy 12 aýla abattandyrylmaq.
Saryarqa aýdanynyń turǵyndaryn jańǵyrtylǵan 16 aýla qýantty. Kapitaldyq jóndeý aiasynda balalar alańdary, sport aimaqtary, fýtbol alańdary jańartyldy. Rezeńke jabyny tóselip, jańa oiyn elementteri ornatyldy.
Abattandyrylǵan nysandar Y. Dúkenuly – Sh. Aimanov – Respýblika dańǵyly – Bógenbai batyr kósheleriniń sharshy aýmaǵynda jáne Pavlov kóshesi, 29; Y. Dúkenuly, 37/1; Respýblika dańǵyly, 39 mekenjailarynda ornalasqan.
Jumystar turǵyndardyń usynysy negizinde «Halyq qatysatyn biýdjet» jobasy aiasynda atqaryldy.
Aita ketsek, Saryarqa aýdanynda Á.Mambetov, Gete, Ǵumar Qarash kósheleri men Respýblika dańǵyly boiynda kósheler men qoǵamdyq keńistikterdi abattandyrý jalǵasýda.
Nura aýdanynda 8 aýla saltanatty túrde ashyldy. Olardyń ishinde myna mekenjailar bar:
- Mametova kóshesi, 2, 2/1, 8, 10;
- Syǵanaq kóshesi, 14, 18;
- Ánet baba kóshesi, 11/2, 11/3;
- Q. Muhamedhanov kóshesi, 28, 28A, 28B.
Jumys aiasynda balalar alańdary, sport aimaqtary ornatylyp, kógaldandyrý júrgizildi.
Sonymen qatar, Úrker turǵyn alabynda úsh gúlzar abattandyryldy: – №69 mektep-gimnaziiasynyń artynda, – «Nura» sport kesheniniń janynda, – «Aiǵyrjal» skveri.
Saraishyk aýdanynda Balalardy qorǵaý kúnine orai tórt jańartylǵan aýla saltanatty túrde ashyldy. Jumystar aiasynda oiyn jáne sport alańdary ornatylyp, aýmaq kógaldandyrylyp, balalar men eresekterge jaily demalys jasaldy.
Abattandyrylǵan aýlalar myna mekenjailarda ornalasqan: R. Qoshqarbaev dańǵyly, 68 («Aspan» turǵyn úi kesheni), – Shalkóde kóshesi, 9, – A. Bólekbaev kóshesi, 4 («Tarlan» turǵyn úi kesheni), – A. Bólekbaev kóshesi, 15.
Ashylý sharasy merekelik kóńil-kúide ótti: aýlalarǵa animatorlar shaqyrtylyp, balalarǵa arnalǵan oiyndar men syilyqtar uiymdastyryldy.
Esil aýdanynda qala keńistiginiń elementterin jańartý men qalpyna keltirý boiynsha aýqymdy jumystar bastaldy. Olar elordanyń basty qoǵamdyq oryndaryn qamtidy: Jelilik saiabaq, býlvar, Ál-Farabi meshiti janyndaǵy skver, Esil ózeniniń jaǵalaýy, D.Qonaev kóshesi boiyndaǵy Diplomatiialyq qalashyq skveri, «EKSPO» skveri, Esil boiyndaǵy park, «Astana Balet» teatry aldyndaǵy skver, sondai-aq Aqmeshit, Saraishyq, Uly Dala, Geidar Áliev, Orynbor, Túrkistan jáne Máńgilik El kósheleri.
Biyl Esil aýdanynda «Halyq qatysatyn biýdjet» jobasy aiasynda taǵy 6 aýla abattandyrylady. Qazirgi tańda bul jumys júrip jatyr.
