استانادا بيىل شامامەن 180 اۋلا مەن قوعامدىق كەڭىستىك اباتتاندىرىلادى. جۇمىس قالانىڭ بارلىق اۋدانىن، ونىڭ ىشىندە تۇرعىن الاپتاردى قامتيدى. ءقازىردىڭ وزىندە ءبىرقاتار جۇمىس اياقتالعان. حالىقارالىق بالالاردى قورعاۋ كۇنىنە وراي ەلوردانىڭ التى اۋدانىندا 40-تان استام اۋلا مەن قوعامدىق كەڭىستىك پايدالانۋعا بەرىلدى، – دەپ حابارلايدى Dalanews.kz
بايقوڭىر اۋدانىندا مەرەكەلىك ءىس-شارا اياسىندا 10 جاڭا اۋلا اشىلدى. ولار بالالاردىڭ ويناپ، دەمالۋىنا قولايلى زاماناۋي ورىنعا اينالدى. اتالعان اۋماقتاردا ويىن جانە سپورت الاڭدارى، شاعىن ارحيتەكتۋرالىق فورمالار، دەمالىس ايماقتارى ورناتىلعان.
جاڭا اۋلالار مىنا مەكەنجايلاردا ورنالاسقان:
- سەيفۋللين كوشەسى، 41؛
- بەيسەكبايەۆ كوشەسى، 14؛
- سەمبينوۆ كوشەسى، 21؛
- عابدۋللين كوشەسى، 1؛
- تورايعىروۆ كوشەسى، 3؛
- ءۋاليحانوۆ كوشەسى، 3؛
- راحيموۆ كوشەسى، 91؛
- شونا ۇلى كوشەسى، 39 جانە 41؛
- جۇبانوۆ كوشەسى، 3؛
- تورايعىروۆ كوشەسى، 1.
2025 جىلى بايقوڭىر اۋدانىندا 88 اۋلا اباتتاندىرىلادى. ولاردىڭ ىشىندە 18ء-ى كەشەندى تۇردە جاڭعىرتىلادى، ال قالعان 70 اۋلادا جوندەۋ-قالپىنا كەلتىرۋ جۇمىسى جۇرگىزىلەدى. 18 اۋلانىڭ 12ء-سى «حالىق قاتىساتىن بيۋدجەت» جوباسى اياسىندا اباتتاندىرىلماق.
الماتى اۋدانىندا 3 اۋلا تولىق اباتتاندىرىلىپ، پايدالانۋعا بەرىلدى. جۇمىس بارىسىندا ويىن كەشەندەرى، سپورت الاڭدارى، قوقىس جاشىكتەرى، ورىندىقتار، اۆتوتۇراق ايماقتارى جانە ۆوركاۋت الاڭدارى ورناتىلدى. ەرەكشەلىگى – ۇلتتىق ستيل ەلەمەنتتەرىمەن بەزەندىرىلگەن شاعىن ارحيتەكتۋرالىق فورمالار: اتكەنشەكتەر، قوسارلى اتكەنشەك، كارۋسەلدەر.
اشىلۋ سالتاناتى مەرەكەلىك كوڭىل-كۇيدە ءوتتى، وعان اۋدان اكىمى مەن ءماسليحات دەپۋتاتتارى قاتىستى. جوبالار «حالىق قاتىساتىن بيۋدجەت» باعدارلاماسى اياسىندا جۇزەگە اسىرىلدى.
بيىل الماتى اۋدانىندا تاعى 12 اۋلا اباتتاندىرىلماق.
سارىارقا اۋدانىنىڭ تۇرعىندارىن جاڭعىرتىلعان 16 اۋلا قۋانتتى. كاپيتالدىق جوندەۋ اياسىندا بالالار الاڭدارى، سپورت ايماقتارى، فۋتبول الاڭدارى جاڭارتىلدى. رەزەڭكە جابىنى توسەلىپ، جاڭا ويىن ەلەمەنتتەرى ورناتىلدى.
اباتتاندىرىلعان نىساندار ى. دۇكەن ۇلى – ش. ايمانوۆ – رەسپۋبليكا داڭعىلى – بوگەنباي باتىر كوشەلەرىنىڭ شارشى اۋماعىندا جانە پاۆلوۆ كوشەسى، 29؛ ى. دۇكەن ۇلى، 37/1؛ رەسپۋبليكا داڭعىلى، 39 مەكەنجايلارىندا ورنالاسقان.
جۇمىستار تۇرعىنداردىڭ ۇسىنىسى نەگىزىندە «حالىق قاتىساتىن بيۋدجەت» جوباسى اياسىندا اتقارىلدى.
ايتا كەتسەك، سارىارقا اۋدانىندا ءا.مامبەتوۆ، گەتە، عۇمار قاراش كوشەلەرى مەن رەسپۋبليكا داڭعىلى بويىندا كوشەلەر مەن قوعامدىق كەڭىستىكتەردى اباتتاندىرۋ جالعاسۋدا.
نۇرا اۋدانىندا 8 اۋلا سالتاناتتى تۇردە اشىلدى. ولاردىڭ ىشىندە مىنا مەكەنجايلار بار:
- مامەتوۆا كوشەسى، 2، 2/1، 8، 10؛
- سىعاناق كوشەسى، 14، 18؛
- انەت بابا كوشەسى، 11/2، 11/3؛
- ق. مۇحامەدحانوۆ كوشەسى، 28، 28ا، 28ب.
جۇمىس اياسىندا بالالار الاڭدارى، سپورت ايماقتارى ورناتىلىپ، كوگالداندىرۋ جۇرگىزىلدى.
سونىمەن قاتار، ۇركەر تۇرعىن الابىندا ءۇش گۇلزار اباتتاندىرىلدى: – №69 مەكتەپ-گيمنازياسىنىڭ ارتىندا، – «نۇرا» سپورت كەشەنىنىڭ جانىندا، – «ايعىرجال» سكۆەرى.
سارايشىك اۋدانىندا بالالاردى قورعاۋ كۇنىنە وراي ءتورت جاڭارتىلعان اۋلا سالتاناتتى تۇردە اشىلدى. جۇمىستار اياسىندا ويىن جانە سپورت الاڭدارى ورناتىلىپ، اۋماق كوگالداندىرىلىپ، بالالار مەن ەرەسەكتەرگە جايلى دەمالىس جاسالدى.
اباتتاندىرىلعان اۋلالار مىنا مەكەنجايلاردا ورنالاسقان: ر. قوشقاربايەۆ داڭعىلى، 68 («اسپان» تۇرعىن ءۇي كەشەنى)، – شالكودە كوشەسى، 9، – ا. بولەكبايەۆ كوشەسى، 4 («تارلان» تۇرعىن ءۇي كەشەنى)، – ا. بولەكبايەۆ كوشەسى، 15.
اشىلۋ شاراسى مەرەكەلىك كوڭىل-كۇيدە ءوتتى: اۋلالارعا انيماتورلار شاقىرتىلىپ، بالالارعا ارنالعان ويىندار مەن سىيلىقتار ۇيىمداستىرىلدى.
ەسىل اۋدانىندا قالا كەڭىستىگىنىڭ ەلەمەنتتەرىن جاڭارتۋ مەن قالپىنا كەلتىرۋ بويىنشا اۋقىمدى جۇمىستار باستالدى. ولار ەلوردانىڭ باستى قوعامدىق ورىندارىن قامتيدى: جەلىلىك ساياباق، بۋلۆار، ءال-فارابي مەشىتى جانىنداعى سكۆەر، ەسىل وزەنىنىڭ جاعالاۋى، د.قونايەۆ كوشەسى بويىنداعى ديپلوماتيالىق قالاشىق سكۆەرى، «ەكسپو» سكۆەرى، ەسىل بويىنداعى پارك، «استانا بالەت» تەاترى الدىنداعى سكۆەر، سونداي-اق اقمەشىت، سارايشىق، ۇلى دالا، گەيدار الييەۆ، ورىنبور، تۇركىستان جانە ماڭگىلىك ەل كوشەلەرى.
بيىل ەسىل اۋدانىندا «حالىق قاتىساتىن بيۋدجەت» جوباسى اياسىندا تاعى 6 اۋلا اباتتاندىرىلادى. قازىرگى تاڭدا بۇل جۇمىس ءجۇرىپ جاتىر.
