Astanada qalanyń syrtqy kelbetin «Jarnama týraly», «Sáýlet, qala qurylysy jáne qurylys qyzmeti týraly» jáne «Qazaqstan Respýblikasyndaǵy tilder týraly» Qazaqstan Respýblikasy Zańdarynyń talaptaryna sáikes keltirý boiynsha belsendi jumys júrgizilýde. 2024 jyldyń basynan beri barlyq aýdandardaǵy ǵimarattardyń qasbetterinen 1400-ge jýyq jarnamalyq elementter jańartyldy dep habarlaidy Dalanews.kz Astana qalalyq ákimdiginiń resmi saityna silteme jasap.
Elordanyń biryńǵai sáýlettik-kórkemdik kelbetin júzege asyrýdy Astana qalasy ákimdiginiń «Astana-Jarnama» KMM júzege asyrady. Mekeme sonymen qatar qala aýmaǵynda ornalasqan syrtqy (kórneki) jarnamaǵa monitoring júrgizedi.
«Astana-Jarnama» KMM qyzmetkerleri aýdandyq ákimdiktermen birlesip, sáýlet stiliniń negizgi parametrlerine sáikes kelmeitin kórneki aqparat (mańdaishalar men jarnama) elementterin túsindirý jáne bólshekteý boiynsha kóshpeli is-sharalar ótkizedi.
Kásipkerlermen túsindirme áńgimeler júrgiziledi, mańdaishalarǵa qoiylatyn talaptardy, syrtqy (kórneki) jarnamany ornalastyrý tártibin sipattaityn býkletter beriledi.
2024 jyldyń basynan beri ǵimarattar men qurylystardyń 200-den astam qasbetterine kózben sholyp tekserý júrgizildi, onyń nátijeleri boiynsha 830-dan astam mańdaisha jáne talaptarǵa sáikes kelmeitin syrtqy (kórneki) aqparattyń 550-ge jýyq elementteri bólshekteldi.
Mekeme qyzmetkerleri 1600-ge jýyq kásipkerlik sýbektisin qabyldady, olarǵa ǵimarattardyń (qurylystardyń) qasbetterin sáýlettik-kórkemdik bezendirý máseleleri boiynsha qoldanystaǵy zańnamanyń talaptary túsindirildi.
Sondai-aq kásipkerlik sýbektileri belgileriniń 742 eskizi qaraldy.
