Májilistiń Halyqaralyq ister, qorǵanys jáne qaýipsizdik komiteti Qazaqstan men Qyrǵyzstan úkimetteri arasyndaǵy diplomatiialyq ókildikterge arnalǵan ǵimarattar men jer ýchaskelerin óteýsiz paidalaný týraly kelisimdi ratifikatsiialaý jónindegi zań jobasyn jumysqa qabyldady, dep habarlaidy dalanews.kz.
Qujatty Májilistiń jalpy otyrysynda depýtat Aidos Sarym tanystyrǵan.
Onyń aitýynsha, kelisimge 2025 jylǵy 22 tamyzda Bishkek qalasynda qol qoiylǵan.
Depýtattyń sózinshe, qujattyń negizgi maqsaty – Astana men Bishkek qalalarynda Qazaqstan jáne Qyrǵyzstan elshilikteri men tótenshe jáne ókiletti elshilerdiń rezidentsiialary úshin ǵimarattar men jer telimderin ózara óteýsiz paidalanýǵa berý.
Aidos Sarym kelisimde jer ýchaskeleri men ǵimarattardy berý tártibi men sharttary naqty kórsetilgenin atap ótken.
«Komitet atalǵan zań jobasyn jumysqa qabyldap, tiisti qorytyndy ázirleýge daiyn. Qoldaýlaryńyzdy suraimyn», – degen depýtat.
Daýys berý qorytyndysy boiynsha Májilis depýtattary qujatty biraýyzdan qoldaǵan.
Otyrysta 85 depýtat daýys berip, olardyń barlyǵy zań jobasyn jumysqa qabyldaýǵa kelisim bildirgeni aityldy.
Eske salsaq, 28 mamyr kúni Májiliste kezekti jalpy otyrys ótip jatyr. Depýtattar birinshi oqylymda ekologiia máseleleri, tehnikalyq jáne kásiptik bilim berý, sondai-aq kóshi-qon salasyna qatysty zań jobalaryn da qaraýda.
