مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸ قازاقستان مەن قىرعىزستان ٷكٸمەتتەرٸ اراسىنداعى ديپلوماتييالىق ٶكٸلدٸكتەرگە ارنالعان عيماراتتار مەن جەر ۋچاسكەلەرٸن ٶتەۋسٸز پايدالانۋ تۋرالى كەلٸسٸمدٸ راتيفيكاتسييالاۋ جٶنٸندەگٸ زاڭ جوباسىن جۇمىسقا قابىلدادى, دەپ حابارلايدى dalanews.kz.
قۇجاتتى مەجٸلٸستٸڭ جالپى وتىرىسىندا دەپۋتات ايدوس سارىم تانىستىرعان.
ونىڭ ايتۋىنشا, كەلٸسٸمگە 2025 جىلعى 22 تامىزدا بٸشكەك قالاسىندا قول قويىلعان.
دەپۋتاتتىڭ سٶزٸنشە, قۇجاتتىڭ نەگٸزگٸ ماقساتى – استانا مەن بٸشكەك قالالارىندا قازاقستان جەنە قىرعىزستان ەلشٸلٸكتەرٸ مەن تٶتەنشە جەنە ٶكٸلەتتٸ ەلشٸلەردٸڭ رەزيدەنتسييالارى ٷشٸن عيماراتتار مەن جەر تەلٸمدەرٸن ٶزارا ٶتەۋسٸز پايدالانۋعا بەرۋ.
ايدوس سارىم كەلٸسٸمدە جەر ۋچاسكەلەرٸ مەن عيماراتتاردى بەرۋ تەرتٸبٸ مەن شارتتارى ناقتى كٶرسەتٸلگەنٸن اتاپ ٶتكەن.
«كوميتەت اتالعان زاڭ جوباسىن جۇمىسقا قابىلداپ, تيٸستٸ قورىتىندى ەزٸرلەۋگە دايىن. قولداۋلارىڭىزدى سۇرايمىن», – دەگەن دەپۋتات.
داۋىس بەرۋ قورىتىندىسى بويىنشا مەجٸلٸس دەپۋتاتتارى قۇجاتتى بٸراۋىزدان قولداعان.
وتىرىستا 85 دەپۋتات داۋىس بەرٸپ, ولاردىڭ بارلىعى زاڭ جوباسىن جۇمىسقا قابىلداۋعا كەلٸسٸم بٸلدٸرگەنٸ ايتىلدى.
ەسكە سالساق, 28 مامىر كٷنٸ مەجٸلٸستە كەزەكتٸ جالپى وتىرىس ٶتٸپ جاتىر. دەپۋتاتتار بٸرٸنشٸ وقىلىمدا ەكولوگييا مەسەلەلەرٸ, تەحنيكالىق جەنە كەسٸپتٸك بٸلٸم بەرۋ, سونداي-اق كٶشٸ-قون سالاسىنا قاتىستى زاڭ جوبالارىن دا قاراۋدا.
