Qazaqstandaǵy alǵashqy atom elektr stantsiiasynyń qurylysy 2027 jyly bastalýy múmkin. Bul týraly "Rosatom" memlekettik korporatsiiasynyń basshysy Aleksei Lihachev málimdedi, dep habarlaidy dalanews.kz.
Onyń aitýynsha, atom elektr stantsiiasyn kezeń-kezeńimen iske qosý josparlanyp otyr. Alǵashqy jáne ekinshi energobloktar 8-10 ai aralyǵynda paidalanýǵa berilýi múmkin. Jobany tolyq aiaqtaý merzimi 2030 jyldardyń ortasyna josparlanǵan.
"Negizgi maqsat – 2030 jyldardyń ortasyna qarai jobany tolyq júzege asyrý. Energobloktardy kezeń-kezeńimen iske qosamyz", – dedi Lihachev.
Sondai-aq "Rosatom" basshysy Resei prezidentiniń Qazaqstanǵa memlekettik sapary kezinde AES qurylysyna qatysty eki úkimetaralyq kelisimge qol qoiylýy múmkin ekenin aitty. Qujattarda qurylys jumystaryn júrgizý jáne jobany qarjylandyrý sharttary qarastyrylǵan.
Qazirgi ýaqytta atom elektr stantsiiasy salynatyn naqty oryn áli bekitilmegen. Bul másele jyl sońyna deiin sheshiledi dep josparlanyp otyr. Mamandar qazir seismikalyq jaǵdaidy, geologiialyq erekshelikterdi, sý resýrstaryn jáne temperatýralyq rejimderdi zerttep jatyr.
Lihachevtiń sózinshe, daiyndyq jumystarynyń 95 paiyzy aiaqtalǵan.
