استانادا 1400-گە جۋىق جارناما تاقتاسى جاڭارتىلدى

Dalanews 04 ءساۋ. 2024 12:40 1608

استانادا قالانىڭ سىرتقى كەلبەتىن «جارناما تۋرالى»، «ساۋلەت، قالا قۇرىلىسى جانە قۇرىلىس قىزمەتى تۋرالى» جانە «قازاقستان رەسپۋبليكاسىنداعى تىلدەر تۋرالى» قازاقستان رەسپۋبليكاسى زاڭدارىنىڭ تالاپتارىنا سايكەس كەلتىرۋ بويىنشا بەلسەندى جۇمىس جۇرگىزىلۋدە. 2024 جىلدىڭ باسىنان بەرى بارلىق اۋداندارداعى عيماراتتاردىڭ قاسبەتتەرىنەن 1400-گە جۋىق جارنامالىق ەلەمەنتتەر جاڭارتىلدى دەپ حابارلايدى Dalanews.kz استانا قالالىق اكىمدىگىنىڭ رەسمي سايتىنا سىلتەمە جاساپ.

ەلوردانىڭ ءبىرىڭعاي ساۋلەتتىك-كوركەمدىك كەلبەتىن جۇزەگە اسىرۋدى استانا قالاسى اكىمدىگىنىڭ «استانا-جارناما» كمم جۇزەگە اسىرادى. مەكەمە سونىمەن قاتار قالا اۋماعىندا ورنالاسقان سىرتقى (كورنەكى) جارناماعا مونيتورينگ جۇرگىزەدى.

«استانا-جارناما» كمم قىزمەتكەرلەرى اۋداندىق اكىمدىكتەرمەن بىرلەسىپ، ساۋلەت ءستيلىنىڭ نەگىزگى پارامەترلەرىنە سايكەس كەلمەيتىن كورنەكى اقپارات (ماڭدايشالار مەن جارناما) ەلەمەنتتەرىن ءتۇسىندىرۋ جانە بولشەكتەۋ بويىنشا كوشپەلى ءىس-شارالار وتكىزەدى.

كاسىپكەرلەرمەن تۇسىندىرمە اڭگىمەلەر جۇرگىزىلەدى، ماڭدايشالارعا قويىلاتىن تالاپتاردى، سىرتقى (كورنەكى) جارنامانى ورنالاستىرۋ ءتارتىبىن سيپاتتايتىن بۋكلەتتەر بەرىلەدى.

2024 جىلدىڭ باسىنان بەرى عيماراتتار مەن قۇرىلىستاردىڭ 200-دەن استام قاسبەتتەرىنە كوزبەن شولىپ تەكسەرۋ جۇرگىزىلدى، ونىڭ ناتيجەلەرى بويىنشا 830-دان استام ماڭدايشا جانە تالاپتارعا سايكەس كەلمەيتىن سىرتقى (كورنەكى) اقپاراتتىڭ 550-گە جۋىق ەلەمەنتتەرى بولشەكتەلدى.

مەكەمە قىزمەتكەرلەرى 1600-گە جۋىق كاسىپكەرلىك سۋبەكتىسىن قابىلدادى، ولارعا عيماراتتاردىڭ (قۇرىلىستاردىڭ) قاسبەتتەرىن ساۋلەتتىك-كوركەمدىك بەزەندىرۋ ماسەلەلەرى بويىنشا قولدانىستاعى زاڭنامانىڭ تالاپتارى ءتۇسىندىرىلدى.

سونداي-اق كاسىپكەرلىك سۋبەكتىلەرى بەلگىلەرىنىڭ 742 ەسكيزى قارالدى.


ۇسىنىلعان
سوڭعى جاڭالىقتار
x