Ǵabit Muqanov Astana qalasynyń prokýrory bolyp taǵaiyndaldy, dep habarlaidy Dalanews.kz.
"Memleket basshysynyń kelisimimen jáne Bas prokýrordyń buiryǵymen 3-synypty memlekettik ádilet keńesshisi Ǵabit Qasymbekuly Muqanov Astana qalasynyń prokýrory laýazymyna taǵaiyndaldy", - dep jazylǵan habarlamada.
Ǵabit Muqanov eńbek jolyn Almaty oblysy Kerbulaq aýdany prokýrorynyń kómekshisi retinde bastaǵan. Ár jyldary Almaty oblysy Talǵar aýdanynyń prokýrory, Almaty qalasy Medeý aýdanynyń prokýrory, Astana qalasy prokýratýrasynyń apparat basshysy-basqarma bastyǵy, Astana qalasy prokýrorynyń orynbasary, Bas prokýratýranyń Kadrlyq damytý departamentiniń bastyǵy laýazymdaryn atqardy.
2021 jylǵy tamyzdan bastap Shymkent qalasynyń prokýrory bolyp qyzmet etti. Qyzmettik mindetin minsiz atqarǵany úshin "Jaýyngerlik erligi úshin" medalimen jáne II dárejeli "Aibyn" ordenimen nagradtalǵan.
