عابيت مۇقانوۆ استانا قالاسىنىڭ پروكۋرورى بولىپ تاعايىندالدى، دەپ حابارلايدى Dalanews.kz.
"مەملەكەت باسشىسىنىڭ كەلىسىمىمەن جانە باس پروكۋروردىڭ بۇيرىعىمەن 3-سىنىپتى مەملەكەتتىك ادىلەت كەڭەسشىسى عابيت قاسىمبەك ۇلى مۇقانوۆ استانا قالاسىنىڭ پروكۋرورى لاۋازىمىنا تاعايىندالدى"، - دەپ جازىلعان حابارلامادا.
عابيت مۇقانوۆ ەڭبەك جولىن الماتى وبلىسى كەربۇلاق اۋدانى پروكۋرورىنىڭ كومەكشىسى رەتىندە باستاعان. ءار جىلدارى الماتى وبلىسى تالعار اۋدانىنىڭ پروكۋرورى، الماتى قالاسى مەدەۋ اۋدانىنىڭ پروكۋرورى، استانا قالاسى پروكۋراتۋراسىنىڭ اپپارات باسشىسى-باسقارما باستىعى، استانا قالاسى پروكۋرورىنىڭ ورىنباسارى، باس پروكۋراتۋرانىڭ كادرلىق دامىتۋ دەپارتامەنتىنىڭ باستىعى لاۋازىمدارىن اتقاردى.
2021 جىلعى تامىزدان باستاپ شىمكەنت قالاسىنىڭ پروكۋرورى بولىپ قىزمەت ەتتى. قىزمەتتىك مىندەتىن ءمىنسىز اتقارعانى ءۇشىن "جاۋىنگەرلىك ەرلىگى ءۇشىن" مەدالىمەن جانە II دارەجەلى "ايبىن" وردەنىمەن ناگرادتالعان.
