Astana irgesindegi Talapker aýylynda ótken báige kezinde 3 jasar balany at taptap ketip, ol aýyr jaraqatpen jansaqtaý bólimine tústi, dep habarlaidy dalanews.kz.
Balanyń anasy Saltanat Ibraevanyń aitýynsha, oqiǵa kezinde uly úidiń mańynda 8 jastaǵy ápkesimen oinap júrgen. Sol sátte kóshede uiymdastyrylǵan báige kezinde attardyń biri balany qaǵyp ketken.
Saldarynan búldirshinniń basy jaraqattanyp, qoly synǵan, sondai-aq, ishki aǵzalary zaqymdanǵan. Anasynyń sózinshe, balaǵa birneshe ota jasalǵan.
Áiel oqiǵaǵa kináli adam zań aldynda jaýap berýin talap etip otyr. Onyń aitýynsha, kúdikti osy ýaqytqa deiin keshirim de suramaǵan.
Politsiia bul derek boiynsha qylmystyq is qozǵalǵanyn habarlady. Qazir tergeý júrgizilip jatyr. Kúdiktige elden shyqpaý týraly bultartpaý sharasy qoldanylǵan.
