استانا ٸرگەسٸندەگٸ تالاپكەر اۋىلىندا ٶتكەن بەيگە كەزٸندە 3 جاسار بالانى ات تاپتاپ كەتٸپ, ول اۋىر جاراقاتپەن جانساقتاۋ بٶلٸمٸنە تٷستٸ, دەپ حابارلايدى dalanews.kz.
بالانىڭ اناسى سالتانات يبراەۆانىڭ ايتۋىنشا, وقيعا كەزٸندە ۇلى ٷيدٸڭ ماڭىندا 8 جاستاعى ەپكەسٸمەن ويناپ جٷرگەن. سول سەتتە كٶشەدە ۇيىمداستىرىلعان بەيگە كەزٸندە اتتاردىڭ بٸرٸ بالانى قاعىپ كەتكەن.
سالدارىنان بٷلدٸرشٸننٸڭ باسى جاراقاتتانىپ, قولى سىنعان, سونداي-اق, ٸشكٸ اعزالارى زاقىمدانعان. اناسىنىڭ سٶزٸنشە, بالاعا بٸرنەشە وتا جاسالعان.
ەيەل وقيعاعا كٸنەلٸ ادام زاڭ الدىندا جاۋاپ بەرۋٸن تالاپ ەتٸپ وتىر. ونىڭ ايتۋىنشا, كٷدٸكتٸ وسى ۋاقىتقا دەيٸن كەشٸرٸم دە سۇراماعان.
پوليتسييا بۇل دەرەك بويىنشا قىلمىستىق ٸس قوزعالعانىن حابارلادى. قازٸر تەرگەۋ جٷرگٸزٸلٸپ جاتىر. كٷدٸكتٸگە ەلدەن شىقپاۋ تۋرالى بۇلتارتپاۋ شاراسى قولدانىلعان.
