"QazAvtoJol" Astana mańynda 95 kólik bir-birine soqtyǵysqan sátinen taǵy bir video jariialady, dep habarlaidy Dalanews.kz.
2025 jylǵy 3 qańtarda Astana-Petropavl avtojolynda 95 kóliktiń qatysýymen jappai jol-kólik oqiǵasy bolǵan edi.
Myna beine jazbada júrgizýshiler súiemeldeý kezinde jol júrý erejelerin eskermei, birin-biri basyp ozǵan sátteri kórsetilgen.
Qys mezgilinde kolonnamen qozǵalǵanda jyldamdyq rejimi men qaýipsiz araqashyq qatań túrde saqtalýy tiis. Basyp ozýǵa tyiym salynady, sebebi saldary avariialyq jaǵdailarǵa ákelýi múmkin.
Beine jol-kólik oqiǵasynda deiin aqyly ýchaskelerde ornalasqan kameralarǵa túsirildi.
Ekinshi beinede Astana-Temirtaý avtojolynyń ýchaskesinde uiymdasqan kolonnalyq qozǵalys kórsetilgen. Júrgizýshiler basyp ozbai, barlyq erejelerdi saqtap qozǵalǵan.
Eske salaiyq, 3 qańtarda Astana mańyndaǵy tasjolda 95 avtokólik soqtyǵysty.
3 qańtarda saǵat 07:20-da aýa raiynyń nasharlaýyna bailanysty respýblikalyq mańyzy bar "Astana-Petropavl" avtojolynyń (18-232 shaqyrym) ýchaskesinde barlyq avtokólik túrleriniń qozǵalysyna shekteý engizildi. Aýa raiy jaqsarǵannan keiin jáne jol tazartylǵan soń, saǵat 12:30-da Shýchinsk qalasy baǵytyna qozǵalys politsiia departamenti qyzmetkerleri men "QazAvtoJol" arnaiy tehnikamen uiymdastyryldy.
Alaida, aldyn ala málimetter boiynsha, júrgizýshilerdiń jyldamdyq rejimi men qaýipsiz qashyqtyqty saqtamaýynan saǵat 13:28-de joldyń 153-shaqyrymynda, Janatalap aýyly mańynda shamamen 95 kólik jappai jol apatyna túsken.
