"قازاۆتوجول" استانا ماڭىندا 95 كولىك بىر-بىرىنە سوقتىعىسقان ساتىنەن تاعى ءبىر ۆيدەو جاريالادى، دەپ حابارلايدى Dalanews.kz.
2025 جىلعى 3 قاڭتاردا استانا-پەتروپاۆل اۆتوجولىندا 95 كولىكتىڭ قاتىسۋىمەن جاپپاي جول-كولىك وقيعاسى بولعان ەدى.
مىنا بەينە جازبادا جۇرگىزۋشىلەر سۇيەمەلدەۋ كەزىندە جول ءجۇرۋ ەرەجەلەرىن ەسكەرمەي، ءبىرىن-بىرى باسىپ وزعان ساتتەرى كورسەتىلگەن.
قىس مەزگىلىندە كولوننامەن قوزعالعاندا جىلدامدىق رەجيمى مەن ءقاۋىپسىز اراقاشىق قاتاڭ تۇردە ساقتالۋى ءتيىس. باسىپ وزۋعا تىيىم سالىنادى، سەبەبى سالدارى اۆاريالىق جاعدايلارعا اكەلۋى مۇمكىن.
بەينە جول-كولىك وقيعاسىندا دەيىن اقىلى ۋچاسكەلەردە ورنالاسقان كامەرالارعا ءتۇسىرىلدى.
ەكىنشى بەينەدە استانا-تەمىرتاۋ اۆتوجولىنىڭ ۋچاسكەسىندە ۇيىمداسقان كولوننالىق قوزعالىس كورسەتىلگەن. جۇرگىزۋشىلەر باسىپ وزباي، بارلىق ەرەجەلەردى ساقتاپ قوزعالعان.
ەسكە سالايىق، 3 قاڭتاردا استانا ماڭىنداعى تاسجولدا 95 اۆتوكولىك سوقتىعىستى.
3 قاڭتاردا ساعات 07:20-دا اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار "استانا-پەتروپاۆل" اۆتوجولىنىڭ (18-232 شاقىرىم) ۋچاسكەسىندە بارلىق اۆتوكولىك تۇرلەرىنىڭ قوزعالىسىنا شەكتەۋ ەنگىزىلدى. اۋا رايى جاقسارعاننان كەيىن جانە جول تازارتىلعان سوڭ، ساعات 12:30-دا ششۋچينسك قالاسى باعىتىنا قوزعالىس پوليسيا دەپارتامەنتى قىزمەتكەرلەرى مەن "قازاۆتوجول" ارنايى تەحنيكامەن ۇيىمداستىرىلدى.
الايدا، الدىن الا مالىمەتتەر بويىنشا، جۇرگىزۋشىلەردىڭ جىلدامدىق رەجيمى مەن ءقاۋىپسىز قاشىقتىقتى ساقتاماۋىنان ساعات 13:28-دە جولدىڭ 153-شاقىرىمىندا، جاناتالاپ اۋىلى ماڭىندا شامامەن 95 كولىك جاپپاي جول اپاتىنا تۇسكەن.
