Astana qalasynyń ákimi Jeńis Qasymbek Shubar eldimekeniniń turǵyndarymen kezdesip, gaz tartý máselesin talqylady, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Eldi meken Esil aýdanynda ornalasqan, onda 5 myńǵa tarta adam turady. Astana ákimi belsendilermen ózekti máselelerdi talqylap, eldi mekendi odan ári damytý josparyn belgiledi.
– Sol jaǵalaýdyń ortasynda ornalasqan eldi mekenniń mańyzdy máseleleriniń biri – gazdandyrý. Qazirgi ýaqytta gazdandyrý úshin kóshelerde taratý jelisiniń qurylysy júrip jatyr. Jelilerdiń jartysynan kóbi aiaqtaldy. Jetkizýshi gaz qubyrynyń qurylysyn keler jyldyń sońyna deiin aiaqtaýdy josparlap otyrmyz. Bul – Shubar eldimekeniniń turǵyndaryna úilerin gazǵa qosýyna múmkindik beredi, sol siiaqty aýdannyń jáne jalpy qalanyń ekologiiasyna jaǵymdy áser etedi ári qala turǵyndarynyń ómir súrý sapasyn arttyrady, – dedi qala basshysy Jeńis Qasymbek.
Ákimniń aitýynsha, keler jyly sýmen jabdyqtaý jelileri men káriz jelilerin salynady, bul joba 2025-2027 jyldary tolyq iske asyrylady.
Sonymen qatar kezdesýde joldardy jóndeý, injenerlik jeliler, kameralar, baǵdarshamdar ornatý, abattandyrý, oqý oryndaryn salý máseleleri jan-jaqty talqylandy.
Búginde Astanada aýmaqtardy gazdandyrý jumystary qarqyndy júrip jatyr. Taiaýda ǵana qaladaǵy «Úrker» turǵyn alabynda gaz taratý jelileriniń qurylysy men gazdy qosý ishinara aiaqtalǵan bolatyn.
Astana qalasy ákimdiginiń josparly jumysynyń arqasynda 1000-ǵa jýyq abonent tabiǵi gazǵa qosylý múmkindigine ie bolǵan bolatyn. Endi osyndai igilikke Shubar eldimekeniniń turǵyndary da qol jetkizetin bolady.
Turǵyn alaptaǵy qalǵan úilerdi gazben qamtamasyz etý 2025 jyly
Osyǵan deiin Astana qalasy ákimdigi gazdandyrýdyń eki kezeginiń qurylysyn aiaqtady.
Astana qalasynyń ákimi Jeńis Qasymbektiń aitýynsha, gazdandyrý jumystarynyń qarqyny toqtamaidy. Gazdandyrý jobasy qala ekologiiasyn jaqsartyp, turǵyndardyń ómir súrý sapasyn arttyrýǵa baǵyttalǵan mańyzdy qadam bolyp tabylady.
