استانا قالاسىنىڭ ەكٸمٸ جەڭٸس قاسىمبەك شۇبار ەلدٸمەكەنٸنٸڭ تۇرعىندارىمەن كەزدەسٸپ, گاز تارتۋ مەسەلەسٸن تالقىلادى, – دەپ حابارلايدى Dalanews.kz استانا قالاسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ەلدٸ مەكەن ەسٸل اۋدانىندا ورنالاسقان, وندا 5 مىڭعا تارتا ادام تۇرادى. استانا ەكٸمٸ بەلسەندٸلەرمەن ٶزەكتٸ مەسەلەلەردٸ تالقىلاپ, ەلدٸ مەكەندٸ ودان ەرٸ دامىتۋ جوسپارىن بەلگٸلەدٸ.
– سول جاعالاۋدىڭ ورتاسىندا ورنالاسقان ەلدٸ مەكەننٸڭ ماڭىزدى مەسەلەلەرٸنٸڭ بٸرٸ – گازداندىرۋ. قازٸرگٸ ۋاقىتتا گازداندىرۋ ٷشٸن كٶشەلەردە تاراتۋ جەلٸسٸنٸڭ قۇرىلىسى جٷرٸپ جاتىر. جەلٸلەردٸڭ جارتىسىنان كٶبٸ اياقتالدى. جەتكٸزۋشٸ گاز قۇبىرىنىڭ قۇرىلىسىن كەلەر جىلدىڭ سوڭىنا دەيٸن اياقتاۋدى جوسپارلاپ وتىرمىز. بۇل – شۇبار ەلدٸمەكەنٸنٸڭ تۇرعىندارىنا ٷيلەرٸن گازعا قوسۋىنا مٷمكٸندٸك بەرەدٸ, سول سيياقتى اۋداننىڭ جەنە جالپى قالانىڭ ەكولوگيياسىنا جاعىمدى ەسەر ەتەدٸ ەرٸ قالا تۇرعىندارىنىڭ ٶمٸر سٷرۋ ساپاسىن ارتتىرادى, – دەدٸ قالا باسشىسى جەڭٸس قاسىمبەك.
ەكٸمنٸڭ ايتۋىنشا, كەلەر جىلى سۋمەن جابدىقتاۋ جەلٸلەرٸ مەن كەرٸز جەلٸلەرٸن سالىنادى, بۇل جوبا 2025-2027 جىلدارى تولىق ٸسكە اسىرىلادى.
سونىمەن قاتار كەزدەسۋدە جولداردى جٶندەۋ, ينجەنەرلٸك جەلٸلەر, كامەرالار, باعدارشامدار ورناتۋ, اباتتاندىرۋ, وقۋ ورىندارىن سالۋ مەسەلەلەرٸ جان-جاقتى تالقىلاندى.
بٷگٸندە استانادا اۋماقتاردى گازداندىرۋ جۇمىستارى قارقىندى جٷرٸپ جاتىر. تاياۋدا عانا قالاداعى «ٷركەر» تۇرعىن الابىندا گاز تاراتۋ جەلٸلەرٸنٸڭ قۇرىلىسى مەن گازدى قوسۋ ٸشٸنارا اياقتالعان بولاتىن.
استانا قالاسى ەكٸمدٸگٸنٸڭ جوسپارلى جۇمىسىنىڭ ارقاسىندا 1000-عا جۋىق ابونەنت تابيعي گازعا قوسىلۋ مٷمكٸندٸگٸنە يە بولعان بولاتىن. ەندٸ وسىنداي يگٸلٸككە شۇبار ەلدٸمەكەنٸنٸڭ تۇرعىندارى دا قول جەتكٸزەتٸن بولادى.
تۇرعىن الاپتاعى قالعان ٷيلەردٸ گازبەن قامتاماسىز ەتۋ 2025 جىلى
وسىعان دەيٸن استانا قالاسى ەكٸمدٸگٸ گازداندىرۋدىڭ ەكٸ كەزەگٸنٸڭ قۇرىلىسىن اياقتادى.
استانا قالاسىنىڭ ەكٸمٸ جەڭٸس قاسىمبەكتٸڭ ايتۋىنشا, گازداندىرۋ جۇمىستارىنىڭ قارقىنى توقتامايدى. گازداندىرۋ جوباسى قالا ەكولوگيياسىن جاقسارتىپ, تۇرعىنداردىڭ ٶمٸر سٷرۋ ساپاسىن ارتتىرۋعا باعىتتالعان ماڭىزدى قادام بولىپ تابىلادى.
