«Astana – Bolashaq»: Paneldik sessiiada ne aityldy?
HBO basshysy Oljas Sákenov jyl saiyn 1300-ge jýyq otandasymyz «Bolashaq» baǵdarlamasymen shetelde oqyp, taǵylymdamadan ótetinin eske saldy. Sonymen qatar baǵdarlama túlekteriniń elge oralýynyń tiimdiligin zertteý nazarda ekenin aityp, qorytyndysyn tarqatty.
Statistika boiynsha búginde túlekterdiń eń kóp paiyzy jeke sektorda jumys isteitin bolsa, 7%–y halyqaralyq uiymdarda mansap qurǵany aityldy.
Pikirtalas barysynda bilim berý salasyndaǵy sarapshy, Astana Garden School jekemenshik mektebiniń negizin qalaýshy Nurmuhammed Dosybaev Astana qalasynyń memlekettik mektepterin transformatsiialaýdy usynsa, sarapshy-ýrbanist Ulybek Kimanov qala ákimdigi men turǵyndaryna bir-birine qulaq asyp, máselelerdi birlese sheshý jaily oramdy oi aitty.
Qorytyndy blokta KAZGIýÝ Ýniversiteti Basqarma tóraǵasynyń orynbasary Ainur Káribozova Qazaqstandaǵy orta bilim sapasynyń tómendeýin sarapshylardyń azdyǵymen bailanystyrdy. Spikerdiń aitýynsha, «Bolashaq» baǵdarlamasy arqyly psihologtardy oqýǵa jii jiberý máseleniń túiinin tarqatýǵa sep.
