«Astana – Bolashaq»: پانەلدٸك سەسسييادا نە ايتىلدى?
حبو باسشىسى ولجاس سەكەنوۆ جىل سايىن 1300-گە جۋىق وتانداسىمىز «بولاشاق» باعدارلاماسىمەن شەتەلدە وقىپ, تاعىلىمدامادان ٶتەتٸنٸن ەسكە سالدى. سونىمەن قاتار باعدارلاما تٷلەكتەرٸنٸڭ ەلگە ورالۋىنىڭ تيٸمدٸلٸگٸن زەرتتەۋ نازاردا ەكەنٸن ايتىپ, قورىتىندىسىن تارقاتتى.
ستاتيستيكا بويىنشا بٷگٸندە تٷلەكتەردٸڭ ەڭ كٶپ پايىزى جەكە سەكتوردا جۇمىس ٸستەيتٸن بولسا, 7%–ى حالىقارالىق ۇيىمداردا مانساپ قۇرعانى ايتىلدى.
پٸكٸرتالاس بارىسىندا بٸلٸم بەرۋ سالاسىنداعى ساراپشى, Astana Garden School جەكەمەنشٸك مەكتەبٸنٸڭ نەگٸزٸن قالاۋشى نۇرمۇحاممەد دوسىباەۆ استانا قالاسىنىڭ مەملەكەتتٸك مەكتەپتەرٸن ترانسفورماتسييالاۋدى ۇسىنسا, ساراپشى-ۋربانيست ۇلىبەك كيمانوۆ قالا ەكٸمدٸگٸ مەن تۇرعىندارىنا بٸر-بٸرٸنە قۇلاق اسىپ, مەسەلەلەردٸ بٸرلەسە شەشۋ جايلى ورامدى وي ايتتى.
قورىتىندى بلوكتا كازگيۋۋ ۋنيۆەرسيتەتٸ باسقارما تٶراعاسىنىڭ ورىنباسارى اينۇر كەرٸبوزوۆا قازاقستانداعى ورتا بٸلٸم ساپاسىنىڭ تٶمەندەۋٸن ساراپشىلاردىڭ ازدىعىمەن بايلانىستىردى. سپيكەردٸڭ ايتۋىنشا, «بولاشاق» باعدارلاماسى ارقىلى پسيحولوگتاردى وقۋعا جيٸ جٸبەرۋ مەسەلەنٸڭ تٷيٸنٸن تارقاتۋعا سەپ.
