Úkimet otyrysyna QR Ulttyq ekonomika ministri Áset Erǵaliev, QR Indýstriia jáne infraqurylymdyq damý ministri Beibit Atamqulov, QR Energetika ministri Nurlan Noǵaev, QR Ekologiia, geologiia jáne tabiǵi resýrstar ministri Maǵzum Myrzaǵaliev, QR Densaýlyq saqtaý ministri Aleksei Tsoi, QR Bilim jáne ǵylym ministri Ashat Aimaǵambetov, QR Mádeniet jáne sport ministri Aqtoty Raiymqulova, QR Aýyl sharýashylyǵy birinshi vitse-ministri Aidarbek Saparov, Túrkistan oblysynyń ákimi Ómirzaq Shókeev baiandama jasady.
AÓK salasynda bes jyl ishinde 100-ge jýyq jobany iske asyrý josparlanyp otyr, bul jalpy ónim kólemin 729 mlrd-tan 1,3 trln teńgege deiin arttyrýǵa jáne eńbek ónimdiligin 2,5 esege arttyrýǵa múmkindik beredi. Bes jyl ishinde 5 mln sh. m. jýyq turǵyn úi, 130 jańa mektep, 10 densaýlyq saqtaý nysanyn, rýhani-mádeni ortalyq jáne basqa da áleýmettik sala nysandaryn salý josparlanǵan.
Kólik jáne injenerlik-kommýnikatsiialyq infraqurylymdy damytý jobalary iske asyrylatyn bolady. Túrkistan, Shymkent jáne Tashkent qalalaryn bailanystyratyn joǵary jyldamdyqty temirjol magistralin salý, Túrkistanda jańa temirjol jáne avto vokzaldar salý josparlanýda. Atalǵan sharalar jalpy óńirde ónerkásip kólemin 35%-ǵa, eńbek ónimdiligin 52%-ǵa arttyrýǵa jol ashady. Týrister aǵyny jylyna 1,2 mln-nan 2,5 mln adamǵa deiin artady. Keminde 40 myń jańa jumys orny qurylady. «Keshendi jospardy iske asyrýdyń 5 jyly ishinde 3,6 trln teńgege 142 is-shara oryndalady. Túrkistan oblysynyń ekonomikasy 5 jylda 1,5 ese ósedi», — dedi A. Mamin. Premer-Ministr Túrkistan oblysyn áleýmettik-ekonomikalyq damytýdyń 2021-2025 jyldarǵa arnalǵan bekitilgen keshendi jospary is-sharalarynyń ýaqytyly ári sapaly oryndalýyn qamtamasyz etýdi tapsyrdy.
