ۇكىمەت وتىرىسىنا ق ر ۇلتتىق ەكونوميكا ءمينيسترى اسەت ەرعالييەۆ، ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ق ر ەنەرگەتيكا ءمينيسترى نۇرلان نوعايەۆ، ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ، ق ر دەنساۋلىق ساقتاۋ ءمينيسترى الەكسەي سوي، ق ر ءبىلىم جانە عىلىم ءمينيسترى اسحات ايماعامبەتوۆ، ق ر مادەنيەت جانە سپورت ءمينيسترى اقتوتى رايىمقۇلوۆا، ق ر اۋىل شارۋاشىلىعى ءبىرىنشى ۆيسە-مينيسترى ايداربەك ساپاروۆ، تۇركىستان وبلىسىنىڭ اكىمى ءومىرزاق شوكەيەۆ بايانداما جاسادى.
ۇكىمەت باسشىسى تۇركىستان وبلىسىن الەۋمەتتىك-ەكونوميكالىق دامىتۋدىڭ 2021-2025 جىلدارعا ارنالعان كەشەندى جوسپارىن ىسكە اسىرۋ وبلىستىڭ دامۋىنا جاڭا سەرپىن بەرىپ، حالىقتىڭ تۇرمىس ساپاسى مەن ءال-اۋقاتىن ارتتىرۋعا مۇمكىندىك بەرەتىنىن اتاپ ءوتتى. حالىق سۋمەن جابدىقتاۋ قىزمەتتەرىمەن 100%، گازبەن جابدىقتاۋ قىزمەتتەرىمەن 85،4% قامتاماسىز ەتىلەتىن بولادى.
اوك سالاسىندا بەس جىل ىشىندە 100-گە جۋىق جوبانى ىسكە اسىرۋ جوسپارلانىپ وتىر، بۇل جالپى ءونىم كولەمىن 729 ملرد-تان 1،3 ترلن تەڭگەگە دەيىن ارتتىرۋعا جانە ەڭبەك ونىمدىلىگىن 2،5 ەسەگە ارتتىرۋعا مۇمكىندىك بەرەدى. بەس جىل ىشىندە 5 ملن ش. م. جۋىق تۇرعىن ءۇي، 130 جاڭا مەكتەپ، 10 دەنساۋلىق ساقتاۋ نىسانىن، رۋحاني-مادەني ورتالىق جانە باسقا دا الەۋمەتتىك سالا نىساندارىن سالۋ جوسپارلانعان.
كولىك جانە ينجەنەرلىك-كوممۋنيكاسيالىق ينفراقۇرىلىمدى دامىتۋ جوبالارى ىسكە اسىرىلاتىن بولادى. تۇركىستان، شىمكەنت جانە تاشكەنت قالالارىن بايلانىستىراتىن جوعارى جىلدامدىقتى تەمىرجول ماگيسترالىن سالۋ، تۇركىستاندا جاڭا تەمىرجول جانە اۆتو ۆوكزالدار سالۋ جوسپارلانۋدا. اتالعان شارالار جالپى وڭىردە ونەركاسىپ كولەمىن 35%-عا، ەڭبەك ونىمدىلىگىن 52%-عا ارتتىرۋعا جول اشادى. تۋريستەر اعىنى جىلىنا 1،2 ملن-نان 2،5 ملن ادامعا دەيىن ارتادى. كەمىندە 40 مىڭ جاڭا جۇمىس ورنى قۇرىلادى. «كەشەندى جوسپاردى ىسكە اسىرۋدىڭ 5 جىلى ىشىندە 3،6 ترلن تەڭگەگە 142 ءىس-شارا ورىندالادى. تۇركىستان وبلىسىنىڭ ەكونوميكاسى 5 جىلدا 1،5 ەسە وسەدى»، — دەدى ا. مامين. پرەمەر-مينيستر تۇركىستان وبلىسىن الەۋمەتتىك-ەكونوميكالىق دامىتۋدىڭ 2021-2025 جىلدارعا ارنالعان بەكىتىلگەن كەشەندى جوسپارى ءىس-شارالارىنىڭ ۋاقىتىلى ءارى ساپالى ورىندالۋىن قامتاماسىز ەتۋدى تاپسىردى.
