Ámir Baıturǵanov sportpen turaqty aınalysyp kelgen. 2023 jyldyń 21 jeltoqsanynda onyń otbasyna jaǵymsyz habar jetip, Ámirdiń komaǵa túsip qalǵany aıtylǵan. Kóp uzamaı jas jigit qaıtys bolǵan.
Birer kún buryn jaýyngerlik jattyǵýlardan keıin Ámir ózin nashar sezinip, qyzýy kóterilip dereý aýrýhanaǵa jatqyzylypty. Dárigerler ystyǵyn ýaqytsha túsire alǵan kórinedi.
Qorǵanys mınıstrligi bas áskerı-medısınalyq basqarma basshysynyń orynbasary Berik İlıasov sarbazdyń ólimine jiti ınfeksıalyq menıngıt sebep bolýy múmkin deıdi.
Biraq týystary ólimniń buǵan senbeıdi. Olardyń aıtýynsha, uly uzaq ýaqyt boıy búıregi aýyratynyna shaǵymdanyp kelgen.
«Buǵan deıin ol búırek aýrýy boıynsha medısınalyq bólimshege birneshe ret júgingen. 28 qarashada ol bólimsheniń medısınalyq qyzmetiniń basshysyna ÝDZ jasatý úshin habarlasqan. Tek 6 jeltoqsanda qalaǵa baryp, ÝDZ-ge túsip, eki jaqty pıelonefrıt degen dıagnoz qoıdy. Medısınalyq bólimshege sol kúni túskenimen 3 kún ǵana emdeldi», – dedi Murat Baıtarǵanov.
Týystary ólimge uzaqqa sozylǵan pıelonefrıt sebep boldy dep eseptep, qaıǵyly oqıǵanyń ádil zerttelýine úmittenedi. Qorǵanys mınıstrligi búırek aýrýy men ólim arasyndaǵy baılanysty joqqa shyǵarýda.
