ەسكەردە تاعى بٸر سارباز قايتىس بولدى
ەمٸر بايتۇرعانوۆ سپورتپەن تۇراقتى اينالىسىپ كەلگەن. 2023 جىلدىڭ 21 جەلتوقسانىندا ونىڭ وتباسىنا جاعىمسىز حابار جەتٸپ, ەمٸردٸڭ كوماعا تٷسٸپ قالعانى ايتىلعان. كٶپ ۇزاماي جاس جٸگٸت قايتىس بولعان.
بٸرەر كٷن بۇرىن جاۋىنگەرلٸك جاتتىعۋلاردان كەيٸن ەمٸر ٶزٸن ناشار سەزٸنٸپ, قىزۋى كٶتەرٸلٸپ دەرەۋ اۋرۋحاناعا جاتقىزىلىپتى. دەرٸگەرلەر ىستىعىن ۋاقىتشا تٷسٸرە العان كٶرٸنەدٸ.
قورعانىس مينيسترلٸگٸ باس ەسكەري-مەديتسينالىق باسقارما باسشىسىنىڭ ورىنباسارى بەرٸك ٸليياسوۆ ساربازدىڭ ٶلٸمٸنە جٸتٸ ينفەكتسييالىق مەنينگيت سەبەپ بولۋى مٷمكٸن دەيدٸ.
بٸراق تۋىستارى ٶلٸمنٸڭ بۇعان سەنبەيدٸ. ولاردىڭ ايتۋىنشا, ۇلى ۇزاق ۋاقىت بويى بٷيرەگٸ اۋىراتىنىنا شاعىمدانىپ كەلگەن.
«بۇعان دەيٸن ول بٷيرەك اۋرۋى بويىنشا مەديتسينالىق بٶلٸمشەگە بٸرنەشە رەت جٷگٸنگەن. 28 قاراشادا ول بٶلٸمشەنٸڭ مەديتسينالىق قىزمەتٸنٸڭ باسشىسىنا ۋدز جاساتۋ ٷشٸن حابارلاسقان. تەك 6 جەلتوقساندا قالاعا بارىپ, ۋدز-گە تٷسٸپ, ەكٸ جاقتى پيەلونەفريت دەگەن دياگنوز قويدى. مەديتسينالىق بٶلٸمشەگە سول كٷنٸ تٷسكەنٸمەن 3 كٷن عانا ەمدەلدٸ», – دەدٸ مۇرات بايتارعانوۆ.
تۋىستارى ٶلٸمگە ۇزاققا سوزىلعان پيەلونەفريت سەبەپ بولدى دەپ ەسەپتەپ, قايعىلى وقيعانىڭ ەدٸل زەرتتەلۋٸنە ٷمٸتتەنەدٸ. قورعانىس مينيسترلٸگٸ بٷيرەك اۋرۋى مەن ٶلٸم اراسىنداعى بايلانىستى جوققا شىعارۋدا.
