Ashyq hat: Sottaǵy sybailastyqqa toqtaý qashan bolady?
Saitymyzdyń redaktsiiasyna oqyrmandarymyzdan túrli hattar kelip túsýde. Olardyń ishinde Qazaqstanyń Sot júiesinde oran alǵan keibir keleńsiz jaittardy meńzeitinderi bar.
Jaqynda redaktsiiamyzǵa Almaty oblysynyń, Raiymbek aýdanynyń turǵyny Nurǵasqaev Aibol Jaqypuly men Almaty qalasynyń turǵyny Zainaýdinov Alimjan Arýpulynyń haty kelip tústi.
Onda Sot protsessiniń biraz bylyǵy baiandalypty. Anyǵynda, sot oryndaýshy men quzyrly organ ókilderiniń barmaq basty, kóz qystylyǵy týraly aitylady.
«Nur Otan» partiiasyna,
QR Memlekettik qyzmet isteri jáne
sybailas jemqorlyqqa qarsy
is-qimyl agenttigi basshysy
Qairat Prenshenuly Qojamjarovqa,
QR Bas prokýrory Jaqyp Qajmanuly Asanovqa
Ashyq hat
Oqiǵa qalai órbidi? Nurǵasqaev Aibol Jaqypuly 2013 jyly Almaty qalasynda ornalasqan «Arlan-finans» shaǵyn nesie berýshi uiymynan 3 milion 60 myń teńge kóleminde nisie alǵan. Ol úshin Almaty qalasy, Alataý aýdany, Qarasý shaǵyn aýdanynda ornalasqan 0,0814 ga jer telimin kepilge qoiady.
Keiin boryshker nesieni ýaqytyly tólemegendikten, 2014 jyly «Arlan-finans» kepildegi jer telimin azamat Daýanov Berikjan Meshitbaiulyna 5 million 552 myń 614 teńge satyp jiberedi. Daý osydan bastalady.
Keiin Alataý aýdandyq Soty 2014 jyly sheshim shyǵaryp, Nurǵasqaevqa jerdi qaitaryp berip, esesine 5 million 552 myń 614 teńgeni tóleýdi mindetteidi.
2015 jyldyń qańtar aiynda Alataý aýdandyq Sotynda taǵy bir protsess bolyp, onda másele Nurǵasqaevtyń paidasyna sheshiledi.
Endi, 2015 jyldyń 25-aqpanynda azamat Daýanov B.M. Alataý aýdandyń IIB-na aryq-shaǵym túsirip, Nurǵasqaevtyń alaiaqtyq jasaǵanyn aitady. Atalǵan shaǵym boiynsha QR QK 190 baby, 4 bólim, 2 tarmaǵy boiynsha №ERDR157512031001693 (03.03.2015 j) qylmystyq is qozǵalady.
Politsiia tergeýshisi A.Qańtarbaevtyń buiryǵymen, Nurǵasqaevqa izdeý jaririalanady. Alataý aýdandyq IIB-nyń qylmystyq izdeý toby Nurǵasqaev Aiboldy Almaty oblysy Raiymbek aýdany, Jalańash aýlynyń Serikbaev kóshesinde ornalasqan № 49 úiden ustap, 30.07.2015j politsiia tergeýine tapsyrady. Bul Politsiia leitenanty Sasanov K. raportynda anyq kórsetilgen.
Nurǵasqaevtyń is-áreketinde qylmystyq sipat joqtyǵyn anyqtaǵan tergeýshi, politsiia kapitany A.Qańtarbaev QR QPK 35 baby, 1 bólimi, 2 tarmaǵyna sáikes isti toqtatý týraly sheshim shyǵarady.
Eskere ketetin jait – aryzdanýshy Daýanov B. Aiyptalýshy Nurǵasqaevtyń turǵylyqty meken-jaiynan habardar bolady.
Alataý aýdandyq sotynyń29.09.2015 jylǵy № 2-1912\2015 sheshimi boiynsha Jeke Sot oryndaýshysy Qali Qýanysh myrza 06.10.2015 jyldan bastap aiyptalýshy Nurǵasqaevtyń sot sheshimin oryndaý isin qozǵaidy.
Osy jerden oqyrmanymyz JSO Qali Qýanyshtyń isti júrgizýdegi jibergen olqylyqtary týraly baiandaidy.
Áýeli, is qozǵalǵan kúnnen, iaǵni 06.10.2015 jyldan bastap, sheshim shyǵarǵan 5.12.2016 jylǵa deiin Qali Qýanysh myrza boryshker Nurǵasqaevtyń turǵylyqty meken-jaiyn anyqtai almaǵan.
Bir qyzyǵy, 2016 jyldyń qarasha aiynda sot protsessi kezinde boryshker Nurǵasqaev A. Sot tóraǵasyna HQKO-nan 25.11.2016 jyly berilgen meken-jai anyqtamasyn tapsyrǵan. Onda azamat Nurǵasqaevtyń Almaty oblysy, Raiymbek aýdany, Jalańash aýyly, Serikbaev kóshesi 49-úide tirkelgeni anyq kórsetilgen.
JSO Qali Qýanysh myrza Nurǵasqaevty shaqyrý úshin barlyq habarlamany Almaty qalasynda ornalasqan beitanys adamdarǵa (kórshisi retinde) jiberip otyrǵan.
2015 jyldyń qazan aiynda boryshker Nurǵasqaev iri jol kólik apatyna ushyraidy. Bel omyrtqasy 4 jerden shytynap, operatsiia jasalady. Buny rastaityn meditsinalyq anyqtamalar da bar.
JSO Qali Q. Isti ýaqytsha toqtatpaidy. Al Sot oryndaýshylar týraly zańnyń 44-babynda, 6 bóliminde «boryshker nemese aiyptalýshy densaýlyǵy asa aýyr jaǵdaida bolsa, protsessti ýaqytsha toqtatý kerektigi» anyq jazylǵan.
Sodan keiin JSO Qali Qýanysh myrza boryshker Nurǵasqaevty atqarýshy ispen tanystyrmaǵan. Sebebi, Nurǵasqaevtyń meken-jaiyn anyqtamaǵan.
Boryshker Nurǵasqaev Almaty qalasy, Alataý aýdany, Qarasý yqshamaýdanynyń Balqýrai kóshesinde ornalasqan №15 jer ýchaskesin Zainaýdinov Alimjan Arýpulyna 2007 jyly ózara kelisim boiynsha 40 myń AQSh dollaryna baǵalap, satqan. Nurǵasqaevtyń jazyp bergnen qolhaty boiynsha, 12.01.2011 jyly kelisilgen somany tolyq alǵan. Ol jerge Zainaýdinov A. 2007 jyldan bastap úi salyp, kommýnikatsiia jumystaryn júrgizgen, aýlasyn qorshaǵan. Kúni búginge deiin atalǵan meken-jai boiynsha Zainaýdinov Alimjan óz otbasymen turyp jatyr.
Alaida, Zainaýdinovtyń qujattary durys bolmaǵandyqtan, ekeýara (Zainaýdinov pen Nurǵasqaevtyń arasyndaǵy) kelisim boiynsha jer ýchaskesiniń iesi Nurǵasqaev bolyp qaldy.
Al Alataý aýdandyq sotynda 12.05.2015 jyly ótken protsess kezinde Zainaýdinov Alimjannyń jer ýchaskesin satyp alǵany, úi turǵyzyp, kommýnikatsiia júrgizgeni tolyǵymen anyqtalǵan.
Azamat Daýanov Berikjannyń resmi ókili Gracheva S.N. Almaty qalasynda Memlekettik Sot oryndaýshy bolyp qyzmet istegen adam. Boryshker Zainaýdinov A. birneshe ret Daýanovqa usynys jasaidy. Jer teliminiń qujattaryn qaitaryp berýdi, jerdi jáne úidi zańdastyryp, onda ornalasqan úidi resmi baǵalaý arqyly satyp, Daýanovtyń aqshasyn qaitaryp berýdi usynǵan. Biraq, Daýanov kelispegen. Bul usynysty Sot oryndaýshysynyń kómekshisiniń aldynda aitqan.
12.12.2016 jyly Nurǵasqaev Jetisý aýdandyq sotyna aryz berip, Daýanovtan jer ýchaskesiniń qujattaryn zańsyz ustap otyrǵany úshin qaitaryp berýdi talap etken. Sot sheshimi talapty qanaǵattandyryp, Daýanovqa qujattardy qaitaryp berýdi mindetteidi. Daýanov Berikjan bul sheshimdi oryndamaǵan. Nurǵasqaev densaýlyǵyna bailanysty JSO-ǵa shaǵymdana almaǵan.
JSO Qali Qýanysh myrza atalǵan jer ýchaskesinde birneshe márte bolǵan, ondaǵy salynǵan úidi óz kózimen kórgen.
Sot oryndaýshylar týraly zańnyń 73 babynda, 1 tarmaǵynda «boryshkerdiń jyljymaityn múlkin tárkileýde zańdastyrylmaǵan múlikti anyqtaǵan soń, sot oryndaýshysy sotqa talap túsirip, boryshkerge múlikti zańdastyrýdy mindetteidi. Sodan keiin boryshkerge múlikti satyp, boryshyn óteýge múmkindik berý kerektigi» anyq jazylǵan.
Al 74-baptyń 2-tarmaǵynda «boryshker sot oryndaýshynyń ruqsatymen tárkilengen múlikti zańdastyryp satýǵa quqyly» dep jazylǵan.
Boryshker Nurǵasqaev Aibol otbasyn qurǵan, bir balasy bar. Sot protsessinde onyń áieli men balasynyń quqyǵy eskerilmesten, múlik tolyǵymen Daýanovqa berilgen. Munda Nurǵasqaevtyń áieli men balasynyń enshisi bar ekeni, 55-zańnyń 8-tarmaǵynda anyq kórsetilgen.
Boryshkerdiń múlkin baǵalaý týraly 60-zańnyń 1 tarmaǵynda «sot oryndaýshy múliktiń barlyq ielerin eskertýge mindetti jáne olarǵa zańdy túrde múlikti satyp alýǵa múmkindik berýi kerek» dep jazylǵan. Biraq JSO Qali Q. bul erejeni de oryndamaǵan.
Endi boryshkerdiń múlkin baǵalaýǵa toqtalaiyq. 68 baptyń 2-tarmaǵynda «JSO-nyń múlikti baǵalaý týraly sheshiminiń kóshirmesi taraptarǵa 1 kúnniń ishinde tapsyrylýy kerek» dep jazylǵan. Osy baptyń 3-tarmaǵynda «taraptar baǵalaý qorytyndysymen kelispeitin bolsa, 10 kúninń ishinde sotqa shaǵymdanýǵa quqyly»dep jazylǵan.
QR Ádilet ministrliginiń 09.12.2010 jylǵy № 327 buiryǵyna sáikes, boryshkerdiń múlkin baǵalaý merzimi qorytyndy shyǵarylǵan kúnnin bastap, kelisim jasalǵan kúnge deiin 6 ai ishinde kúshine ie dep kórsetilgen.
JSO Qali Q. boryshker Nurǵasqaevtyń múlkin baǵalaý ýaqytyn 6 aidan asyryp jibergen. JSO Qali Qýanyshtyń bul sheshimi qanshalyqty zańdy?
Sóitip, JSO Qali Qýanysh boryshker Nurǵasqaevtyń múlkin Daýanovqa berý tolyqtai berý týraly sheshim shyǵarǵan. Al Daýanov jer ýchaskesin ondaǵy úimen qosa azamat Jamanbalanov Batyrhan Qojahmetulyna 18 million teńgege satyp jibergen. Mundaǵy Daýanovtyń zańdy túrde alatyn aqshasy – 5 million 552 myń 614 teńge. Qalǵan 12 447 386 teńge kimniń qaltasyna ketti? Bilmeimiz...
Joǵarydaǵy atalǵan faktilerge sáikes Alataý aýdandyq soty 2016 jyldyń 5 jeltoqsanynda JSO Qali Qýanyshtyń sheshimderin zańsyz dep tapqan.
2017 jyldyń 14-naýryzynda Almaty qalalyq Appeliatsiialyq sot kollegiiasy Tóraǵa Joldybaev S.J., sot Seitova S.A. jáne Abrahmenova B.S isti qaita qarap, Alataý aýdandyq sotynyń 05.12.2016 j sheshimin zańsyz dep sheshim qabyldaidy.
Bul jerde Appeliatsiialyq sot alqasy jer ýchaskesinde ornalasqan úidi esepke almastan, QR azamaty Zainaýdinovtyń konstitýtsiialyq quqyqtaryn eskermesten sheshim shyǵarady. Bul jartylai sheshim qanshalyqdy zań sheńberinde oryndaldy?
Boryshker Nurǵasqaev Aibol men azamat Zainaýdinov Alimjan Appeliatsiialyq sot alqasynyń sheshimimen kelispei, Joǵarǵy sotqa shaǵym túsirgen. Alaida, 29.05.2017 jyly Joǵarǵy sottan jaýap kelip, shaǵymdy qabyldaýdan bas tartqan.
Joǵarydaǵy faktilerdi eskere otyryp, biz, Nurǵasqaev Aibol (otbasy) men Zainaýdinov Alimjan jáne otbasy músheleri Qazaqstannyń quzyrly organdarynan, sonyń ishinde Nur Otan partiiasynan, QR Sybailas jemqorlyqpen kúres agenttiginiń basshysy Qairat Qojamjarov myrzadan, QR Bas Prokýory Jaqyp Asanov myrzadan atalǵan iske arasha túsip, máseleniń aq qarasyn aiyryp berýdi suraimyz.
Men Zainaýdinov Alimjan QR Ishki ister qyzmetinde qyzmet etip, zeinetke shyqqan adammyn. Nur Otan partiiasynyń múshesimin. Zańdy salyq tólep, QR Konstitýtsiiasyn buzbaǵan adammyn. Endi sot júiesindegi barmaq basty, kóz qysty áreketterdiń kýási, kerek deseńiz ádiletsizdiktiń qurbany bolyp otyrmyn. Biz Qazaqstan Respýblikasynyń azamaty retinde sizderden ádil sheshim, arasha kútemiz. Sotaǵy sybailastyqqa toqtaý qashan bolady?
Nurǵasqaev Aibol Jaqypuly,
Zainaýdinov Alimjan Arýpuly
Redaktsiiadan:
Biz atalǵan máseleni tolyq tyńdadyq. Istiń mán-jaiyna úńildik. Joǵarydaǵy keltirilgen mysaldardy eskere otyryp, áýeli Jeke sot oryndaýshy Qali Qýanysh myrzaǵa habarlastyq. Ol kisi densaýlyǵyna bailanysty bizge suhbat berýden bas tartty. Dese de, biz Qali Qýanysh myrzanyń jumys keńsesine baryp, tikelei ózimen jolyqtyq. Qali Qýanysh myrza bizdiń suraqtarǵa jazbasha jaýap berýge kelisip, elektrondy poshtasyn berdi. Alaida, arada birneshe kún ótse de, Qali Qýanysh myrzadan jaýap kelmedi. Biz birneshe márte jeke telefonyna qońyraý shaldyq. Jaýap bolmady. Aldaǵy ýaqytta Qali Qýanysh myrzanyń atalǵan máselege qatysty jaýabyn bilýge tyrysamyz.
Onan soń, Appeliatsiialyq sot alqasynyń tóraǵasy bolǵan Joldybaev S. Myrzaǵa jolyǵý úshin Almaty qalasy, Qazbek bi kóshesinde ornalasqan Almaty qalalyq sotyna bardyq. Joldybaev myrzanyń hatshysy Kámshat Jalbarova hanymmen kezdestik. Máseleni túsindirip, sheshim shyǵarǵan sot alqasynyń tóraǵasy Joldybaev myrzamen pikirlesýge tyrystyq. Alaida, Jalbarova Kámshat hanym, sýdia Joldybaev myrzanyń suhbat berýden bas tartqanyn jetkizdi.
Aldaǵy ýaqytta bul azamattardyń jaýabyn alýǵa tyrysamyz.
Abai.kz
