Senat tóraǵasy Máýlen Áshimbaev Aqtaý mańynda qulaǵan ushaq apatyna túrtki dolbarlarǵa qatysty pikir bildirdi. Ol qazirgi ýaqytta áýe apatynyń sebepteri men zaqymdaný sipaty áli belgisiz ekenin basa atap ótti, dep habarlaidy Dalanews.kz Ulysmedia.kz-ǵa silteme jasap.
Senat spikeriniń aitýynsha, oqiǵa ornynda Qazaqstan, Ázerbaijan jáne Resei ókilderi qatysqan arnaiy komissiia jumys istep jatyr. Bul elderdiń mamandary tize qosa otyryp, derekterdi taldap, fotosýretter boiynsha qorytyndy jasaidy. Alaida, Áshimbaev keibir adamdar osy jaǵdaidy óz múddesine paidalanýǵa tyrysyp jatqanyn da aityp qaldy.
– Birinshiden, bul alypqashpa áńgimeler, dálelsiz málimdemeler. Bulaisha oidan baǵa berip, ony taratý durys emes ári etikaǵa jatpaidy dep oilaimyn. Bul, eń aldymen, keibir adamdardyń osy jaǵdaidan ózine paida túsirgisi keletinin, haip jasap, qaralym jinap, ózge de óz múddesin kózdeitinin kórsetedi, – dedi ol.
Sonymen qatar, Áshimbaev Qazaqstan da, Ázerbaijan da, Resei de aqparatty jasyrýǵa múddeli emes ekenin atap ótti.
– Barlyq aqparat qoǵamǵa jetkiziledi dep oilaimyn, bul jóninde eshkimde kúmán bolmaýy tiis. Mamandarǵa qorytyndy jasaýǵa múmkindik berip, ol qorytyndylardy el azamattaryna jetkizý qajet, – dep túsindirdi ol.
Aviatsiialyq qaýipsizdik týraly aitqan spiker bul másele tek qaiǵyly oqiǵalardan keiin ǵana emes, árqashan nazarda bolýy tiis ekenin aitty. Onyń sózinshe, bul – basty qorytyndy.
Buǵan deiin Nastoiashee vremia basylymy ushaq reseilik zenittik zymyran keshenderi soqqysynyń saldarynan apatqa ushyrady degen nusqa qanshalyqty ras ia ótirik ekeni týraly material jariialaǵan. Negizinen, aldyn ala boljam retinde birqatar BAQ ushaqqa top qustyń soqtyǵysqanyn habarlaǵan.
