Qasym-Jomart Toqaev BAQ salasy qyzmetkerlerin marapattaý rásiminde sóz sóiledi, dep habarlaidy dalanews.kz.
Prezident el taǵdyryna tikelei áser etetin mańyzdy oqiǵa qarsańynda Parlamenttiń 8-shi shaqyrylymy óz jumysyn aiaqtaitynyn eske saldy.
"Qos palatanyń birlesken otyrysyna mindetti túrde qatysamyn: tarihi kezeńde atqarylǵan jumysty qorytyndylap, el damýynyń jańa kezeńindegi negizgi maqsat-mindetterge toqtalyp ótemin. Biz, Qazaqstan halqy jasampaz ári ozyq oily ult retinde alysqa kóz tigemiz. Osy dańǵyl jolda berekeli birligimiz ben yrysty yntymaǵymyzdy kúsheitip, barlyq maqsatymyzǵa jetemiz. Men buǵan kámil senemin", – dedi Memleket basshysy.
Qasym-Jomart Toqaev jańa Konstitýtsiia halqymyzdyń temirqazyǵy, ádiletti qoǵamnyń myzǵymas tuǵyry jáne ornyqty damýdyń berik kepili ekenine nazar aýdardy.
"Birneshe kúnnen soń, iaǵni 1 shildede Konstitýtsiiamyz zańdy kúshine enedi. Qazaqstan túbegeili jańa dáýirge qadam basady. Konstitýtsiia elimizdiń saiasi jáne ideologiialyq arqaýy retinde uzaq jyl boiy halyq igiligine qyzmet eterine senemin. Qazaqstannyń damyǵan jáne ozyq el bolǵany ózimizge ǵana kerek. Bizdiń basqa elimiz joq. Sondyqtan qazirgi jáne keler urpaqtyń aldynda asa mańyzdy mindet tur. Bul – Otanymyzdy ónegeli memleketke ainaldyrý", - dedi Prezident.
