Qazaqstannyń Halyq ártisi, memlekettik syılyqtardyń laýreaty, teatr ári kıno akteri jáne rejıseri Asanáli Áshimov Qazaqstanda AES salý máselesi boıynsha referendýmda daýys berdi,- dep habarlaıdy Dalanews.kz.

Qazaq kınosynyń ańyzy jubaıymen birge B.Momyshuly atyndaǵy № 131 mektep-lıseıinde ornalasqan №382 saılaý ýchaskesinde daýys berdi.

Asanáli Áshimov bul oqıǵanyń elimiz úshin mańyzdylyǵyn atap ótti.

«Bul – bizdiń azamattyq boryshymyz, ony eleýsiz qaldyrýǵa bolmaıdy. Memleket halyqtyń sheshim qabyldaýyna múmkindik berdi. Sondyqtan referendýmda daýys berý mańyzdy. El órkendeýi kerek, bul bizdiń qolymyzda!», – dedi Asanáli Áshimov.

Aıta keteıik, búgin Qazaqstanda atom elektr stansıasyn salý máselesi boıynsha respýblıkalyq referendým ótip jatyr. Almaty qalasynyń ákimi Erbolat Dosaev jubaıymen birge tańerteń №48 mektep-lıseıinde ornalasqan №388 saılaý ýchaskesine baryp, daýys berdi. Megapolıste 624 daýys berý ýchaskesi jumys isteıdi, olar 20:00-ge deıin ashyq bolady.