قازاقستاننىڭ حالىق ەرتٸسٸ, مەملەكەتتٸك سىيلىقتاردىڭ لاۋرەاتى, تەاتر ەرٸ كينو اكتەرٸ جەنە رەجيسسەرٸ اسانەلٸ ەشٸموۆ قازاقستاندا اەس سالۋ مەسەلەسٸ بويىنشا رەفەرەندۋمدا داۋىس بەردٸ,- دەپ حابارلايدى Dalanews.kz.
قازاق كينوسىنىڭ اڭىزى جۇبايىمەن بٸرگە ب.مومىشۇلى اتىنداعى № 131 مەكتەپ-ليتسەيٸندە ورنالاسقان №382 سايلاۋ ۋچاسكەسٸندە داۋىس بەردٸ.
اسانەلٸ ەشٸموۆ بۇل وقيعانىڭ ەلٸمٸز ٷشٸن ماڭىزدىلىعىن اتاپ ٶتتٸ.
«بۇل – بٸزدٸڭ ازاماتتىق بورىشىمىز, ونى ەلەۋسٸز قالدىرۋعا بولمايدى. مەملەكەت حالىقتىڭ شەشٸم قابىلداۋىنا مٷمكٸندٸك بەردٸ. سوندىقتان رەفەرەندۋمدا داۋىس بەرۋ ماڭىزدى. ەل ٶركەندەۋٸ كەرەك, بۇل بٸزدٸڭ قولىمىزدا!», – دەدٸ اسانەلٸ ەشٸموۆ.
ايتا كەتەيٸك, بٷگٸن قازاقستاندا اتوم ەلەكتر ستانتسيياسىن سالۋ مەسەلەسٸ بويىنشا رەسپۋبليكالىق رەفەرەندۋم ٶتٸپ جاتىر. الماتى قالاسىنىڭ ەكٸمٸ ەربولات دوساەۆ جۇبايىمەن بٸرگە تاڭەرتەڭ №48 مەكتەپ-ليتسەيٸندە ورنالاسقان №388 سايلاۋ ۋچاسكەسٸنە بارىپ, داۋىس بەردٸ. مەگاپوليستە 624 داۋىس بەرۋ ۋچاسكەسٸ جۇمىس ٸستەيدٸ, ولار 20:00-گە دەيٸن اشىق بولادى.
