NASA-nyń tórt ǵaryshker mingen "Orion" ǵarysh kemesi Kaliforniia jaǵalaýyna jaqyn Tynyq muhityna sátti qondy, dep habarlaidy Dalanews.kz.
Osyǵan bailanysty Memleket basshysy Qasym-Jomart Toqaev AQSh prezidenti Donald Trampty quttyqtap, arnaiy jedelhat joldady.
"Prezident adamzattyń sońǵy jarty ǵasyrdaǵy Aiǵa jasaǵan alǵashqy ushýyna ainalǵan jáne ǵaryshty igerýdegi jańa tarihi kezeńniń bastalýyn bildiretin "Artemida-2" missiiasynyń tabysty aiaqtalýymen quttyqtady.
Memleket basshysy amerikalyq ǵylymnyń adamzat tanymynyń kókjiegin keńeitip, álem boiynsha jańa býyn ǵalymdar, injenerler men zertteýshilerge shabyt beretin ozyq jetistikterine joǵary baǵa berdi.
Qasym-Jomart Toqaev Donald Trampqa "Artemida" baǵdarlamasy men ǵarysh salasyndaǵy ózge de bastamalardy júzege asyrýda tabys tiledi", – delingen habarlamada.
