NASA-ның төрт ғарышкер мінген "Орион" ғарыш кемесі Калифорния жағалауына жақын Тынық мұхитына сәтті қонды, деп хабарлайды Dalanews.kz.
Осыған байланысты Мемлекет басшысы Қасым-Жомарт Тоқаев АҚШ президенті Дональд Трампты құттықтап, арнайы жеделхат жолдады.
"Президент адамзаттың соңғы жарты ғасырдағы Айға жасаған алғашқы ұшуына айналған және ғарышты игерудегі жаңа тарихи кезеңнің басталуын білдіретін "Артемида-2" миссиясының табысты аяқталуымен құттықтады.
Мемлекет басшысы америкалық ғылымның адамзат танымының көкжиегін кеңейтіп, әлем бойынша жаңа буын ғалымдар, инженерлер мен зерттеушілерге шабыт беретін озық жетістіктеріне жоғары баға берді.
Қасым-Жомарт Тоқаев Дональд Трампқа "Артемида" бағдарламасы мен ғарыш саласындағы өзге де бастамаларды жүзеге асыруда табыс тіледі", – делінген хабарламада.
