2024 jylǵy 24 jeltoqsandaǵy jaǵdai boiynsha 13 423 azamatqa ziiandy eńbek jaǵdailarynda uzaq ýaqyt jumys istegen adamdarǵa arnalǵan arnaýly áleýmettik tólem taǵaiyndaldy. Ol tórt jerden beriledi, dep jazady Dalanews.kz.
Qazaqstanda ziiandy eńbek jaǵdailarynda uzaq ýaqyt jumys istegen adamdarǵa 2024 jyldyń 1 qańtarynan bastap arnaýly áleýmettik tólem engizilgenin basa aita ketelik.
Eńbek jáne halyqty áleýmettik qorǵaý ministrligi baspasóz qyzmetiniń málimetinshe, atalǵan tólemdi taǵaiyndaýǵa jalpy 14 195 adam ótinish bildirgen. Eki kózden tólenetin arnaýly áleýmettik tólemge (respýblikalyq biýdjet jáne Biryńǵai jinaqtaýshy zeinetaqy qory) 3 201 adam júgindi, onyń ishinde 3 087 adamǵa taǵaiyndaldy.
Tórt qarjylandyrý kózinen beriletin AÁT (respýblikalyq biýdjet, Biryńǵai jinaqtaýshy zeinetaqy qory, jumys berýshi jáne ómirdi saqtandyrý uiymy) taǵaiyndaýǵa 10 994 adam ótinish bildirip, onyń 10 336-syna taǵaiyndalǵan.
Sondai-aq, 240 azamat saqtandyrý kompaniiasymen zeinetkerlik annýitet shartynyń jasalýyn kútýde, 138 azamat SMS habarlamaǵa jaýap bermegen. Mindetti sharttardy oryndamaǵandyqtan, 394 ótinish berýshige AÁT taǵaiyndaýdan bas tartyldy.
Óńirler boiynsha arnaýly áleýmettik tólemderdi alýǵa ótinish bildirgenderdiń eń kóp sany Qaraǵandy (2 kózden – 546 adam, 4 kózden – 1 926 adam), Qostanai (2 kózden – 343 adam, al 4 kózden – 1 172 adam) jáne Shyǵys Qazaqstan (2 kózden – 287 adam, al 4 kózden – 1 204 adam) oblystarynda tirkelgen.
Arnaýly áleýmettik tólem taǵaiyndaý úshin 55 jasqa tolý jáne Biryńǵai jinaqtaýshy zeinetaqy qorynda (budan ári – BJZQ) keminde 7 jyl kásiptik zeinetaqy aýdarymdarynyń bolýy mindetti sharttar bolyp tabylady. Tólem zeinetkerlik jasqa deiin tólenedi. Arnaýly áleýmettik tólemderdi alý úshin eńbek jaǵdailary ziiandy jumystarmen ainalyspaýǵa tiis. Jumyskerler jeńil jumysqa aýysa alady, sodan keiin olar jalaqy men tólem alady nemese demalysqa shyǵyp, zeinetke shyqqanǵa deiin arnaýly áleýmettik tólem alady.
BJZQ derekteri boiynsha arnaýly áleýmettik tólemdi taǵaiyndaý úshin mindetti sharttardy eskere otyryp, atalǵan tólemdi alýǵa 2024 jyly 37 myńnan astam jumysker quqyly boldy, jalpy tólemniń ortasha mólsheri 208 myń teńgeden asady. Árbir jumysker úshin tólem mólsheri BJZQ-daǵy jinaqtaryna bailanysty bolady.
Áleýmettik kodekske sáikes jumys berýshiler kásipteri men qyzmet túrleri Eńbek jaǵdailary ziiandy jumystarmen ainalysatyn jumyskerlerdiń, óndiristerdiń, jumystardyń, kásipterdiń tizbesine engizilgen jumyskerler úshin mindetti kásiptik zeinetaqy jarnalaryn aýdarady, olardyń 2,3 myńnan astam pozitsiiasy bar. Osylaisha, arnaýly áleýmettik tólemdi ekonomikanyń 17 salasynda, onyń ishinde taý-ken óndirý jáne óńdeý ónerkásibinde jáne ózge de salalarda jumys isteitin qazaqstandyqtar ala alady.
