Keshe elimizdegi Teatr qairatkerleri odaǵy sezi ótti. Kezekten tys ótipti. Demek, aiaq astynan uiymdastyrylǵan. Osy odaqtyń tizginin ustap otyrǵan Tuńǵyshbai Jamanqulovty ne túlen túrtkenin akterler qaýymy túsinbei qalypty. 31 arnanyń bul týraly reportajyn kórdik.
Akterlerdiń qabaǵy qatýly. Aiaq asty jiynnyń ótýine qarsylyq bildirip, basqosýǵa ne sebep bolǵanyn túsinbei otyr eken. Aralaryndaǵy adýyndylary Tuńǵyshbaiǵa qyr kórsetip zaldan shyǵyp ketipti. Kete almaǵandary aiǵailap daýys kótergen...
Aita ketsek, budan buryn Tuńǵyshbai Jamanqulov basy daýǵa qalǵan Arystanbek Muhamediulynyń "qyzdarǵa qyryndaityn" ádeti burynnan bar ekenin jaiyp salǵan. Bul týraly videosy da bar. Saitymyzǵa jariialaǵanbyz.
“Mundai jaidy aita almai, qashyp kete almai, uialyp júrgen qyzdar qanshama?" degen edi Jamanqulov. Al Arystanbektiń jaǵdaiyn bilesiz.
Óner akademiiasynyń burynǵy stýdenti Eńlik Sydyqova: "Mádeniet ministri meni tósekke súiredi" dep aiyptaǵan.
Shyny kerek, ónerdiń ainalasynda júrgen Arystanbekpen juldyzy qas azamattar myna daýdan keiin ministr otstavkaǵa ketedi dep kútkeni anyq. Bul zańdy dúnie. Shetelde solai. Basy daýǵa qalǵan ministr óz kreslosynda bir kúnde aialdamaidy. Ketedi. Biraq biz shetel emespiz ǵoi...
Jamanqulovtyń bul jiyndy ótkizýi beker bolmapty. "Ótkendegi sózimnen keiin Muhamediuly maǵan shúiligip, jumysymnan qýýy múmkin" dep oilasa kerek, aldyn-ala qam jasapty.
–«Jańa tóraǵa» sailaýdy jarǵy talaptaryna sáikes ótkizý kerek. Ashyq nemese jabyq sailaý arqyly daýys beremiz. Al biraq bireý aitty eken dep ornymnan ketpeimin. Meni ketirý úshin áriptesterimizge qysym jasaý durys emes, – dedi Tuńǵyshbai Jamanqulov.
Osy arada qyzyq boldy. Qazaq kinosynyń taǵy bir metri Asanáli Áshimov Tuńǵyshbaidy muqatyp tastady. Áshimov Jamanqulovtyń Mádeniet ministrine tiiskenin unatpai qalypty jáne áleýmettik jelide taraǵan Jamanqulovtyń suhbatyna jaqsy baǵa bermedi.
– Bul suhbat óte uiatty suhbat boldy. Muny kórgen óskeleń urpaq ne oilaidy? Seniń bul málimdemeńnen keiin olar teatrǵa kelgisi kele me?
Qazaq ónerine ólsheýsiz úles qosqan eki tulǵanyń qabaq shytysyp qalǵany kimge tiimdi, qalai oilaisyz?
Jamanqulov ornynan ketýi múmkin be? Álde odan buryn Mádeniet ministri ornyn bosata ma? Belgilisi ekeýi de jyly ornyn qiǵysy joq, "ólispei, berispeimiz" dep otyr.
Derekkóz: kaz.365info.kz
https://www.youtube.com/watch?v=pkttzPPJCok
