داۋ. تاعى دا داۋ. بۇل جولى اكتەرلەر ءبىر-بىرىنىڭ جاعاسىنان الىستى. بۇعان مادەنيەت ءمينيسترى نە دەر ەكەن؟ ءاي، ءبىراق ونىڭ ءوز باسىنان داۋ ارىلماي ءجۇر عوي. ارىستانبەكتىڭ اكتەرلەرگە ارا تۇسەتىن جاعدايى دا، ۋاقىتى دا جوق ءقازىر. مۇنى نەگە ايتىپ وتىرمىز؟

كەشە ەلىمىزدەگى تەاتر قايراتكەرلەرى وداعى سەزى ءوتتى. كەزەكتەن تىس ءوتىپتى. دەمەك، اياق استىنان ۇيىمداستىرىلعان. وسى وداقتىڭ تىزگىنىن ۇستاپ وتىرعان تۇڭعىشباي جامانقۇلوۆتى نە تۇلەن تۇرتكەنىن اكتەرلەر قاۋىمى تۇسىنبەي قالىپتى. 31 ارنانىڭ بۇل تۋرالى رەپورتاجىن كوردىك.

اكتەرلەردىڭ قاباعى قاتۋلى. اياق استى جيىننىڭ وتۋىنە قارسىلىق ءبىلدىرىپ، باسقوسۋعا نە سەبەپ بولعانىن تۇسىنبەي وتىر ەكەن. ارالارىنداعى ادۋىندىلارى تۇڭعىشبايعا قىر كورسەتىپ زالدان شىعىپ كەتىپتى. كەتە الماعاندارى ايعايلاپ داۋىس كوتەرگەن...

ايتا كەتسەك، بۇدان بۇرىن تۇڭعىشباي جامانقۇلوۆ باسى داۋعا قالعان ارىستانبەك مۇحامەدي ۇلىنىڭ "قىزدارعا قىرىندايتىن" ادەتى بۇرىننان بار ەكەنىن جايىپ سالعان. بۇل تۋرالى ۆيدەوسى دا بار. سايتىمىزعا جاريالاعانبىز.

“مۇنداي جايدى ايتا الماي، قاشىپ كەتە الماي، ۇيالىپ جۇرگەن قىزدار قانشاما؟" دەگەن ەدى جامانقۇلوۆ. ال ارىستانبەكتىڭ جاعدايىن بىلەسىز.

ونەر اكادەمياسىنىڭ بۇرىنعى ستۋدەنتى ەڭلىك سىدىقوۆا: "مادەنيەت ءمينيسترى مەنى توسەككە سۇيرەدى" دەپ ايىپتاعان. 

شىنى كەرەك، ونەردىڭ اينالاسىندا جۇرگەن ارىستانبەكپەن جۇلدىزى قاس ازاماتتار مىنا داۋدان كەيىن مينيستر وتستاۆكاعا كەتەدى دەپ كۇتكەنى انىق. بۇل زاڭدى دۇنيە. شەتەلدە سولاي. باسى داۋعا قالعان مينيستر ءوز كرەسلوسىندا ءبىر كۇندە ايالدامايدى. كەتەدى. ءبىراق ءبىز شەتەل ەمەسپىز عوي...

جامانقۇلوۆتىڭ بۇل جيىندى وتكىزۋى بەكەر بولماپتى.  "وتكەندەگى سوزىمنەن كەيىن مۇحامەدي ۇلى ماعان شۇيلىگىپ، جۇمىسىمنان قۋۋى مۇمكىن" دەپ ويلاسا كەرەك، الدىن-الا قام جاساپتى.

–«جاڭا ءتوراعا» سايلاۋدى جارعى تالاپتارىنا سايكەس وتكىزۋ كەرەك. اشىق نەمەسە جابىق سايلاۋ ارقىلى داۋىس بەرەمىز. ال ءبىراق بىرەۋ ايتتى ەكەن دەپ ورنىمنان كەتپەيمىن. مەنى كەتىرۋ ءۇشىن ارىپتەستەرىمىزگە قىسىم جاساۋ دۇرىس ەمەس، – دەدى تۇڭعىشباي جامانقۇلوۆ.

وسى ارادا قىزىق بولدى. قازاق كينوسىنىڭ تاعى ءبىر مەترى ءاسانالى ءاشىموۆ تۇڭعىشبايدى مۇقاتىپ تاستادى. ءاشىموۆ جامانقۇلوۆتىڭ مادەنيەت مينيسترىنە تيىسكەنىن ۇناتپاي قالىپتى جانە الەۋمەتتىك جەلىدە تاراعان جامانقۇلوۆتىڭ سۇحباتىنا جاقسى باعا بەرمەدى.

– بۇل سۇحبات وتە ۇياتتى سۇحبات بولدى. مۇنى كورگەن وسكەلەڭ ۇرپاق نە ويلايدى؟ سەنىڭ بۇل مالىمدەمەڭنەن كەيىن ولار تەاترعا كەلگىسى كەلە مە؟

قازاق ونەرىنە ولشەۋسىز ۇلەس قوسقان ەكى تۇلعانىڭ قاباق شىتىسىپ قالعانى كىمگە ءتيىمدى، قالاي ويلايسىز؟

جامانقۇلوۆ ورنىنان كەتۋى مۇمكىن بە؟ الدە ودان بۇرىن مادەنيەت ءمينيسترى ورنىن بوساتا ما؟ بەلگىلىسى ەكەۋى دە جىلى ورنىن قيعىسى جوق، "ولىسپەي، بەرىسپەيمىز" دەپ وتىر.

دەرەككوز: kaz.365info.kz

https://www.youtube.com/watch؟v=pkttzPPJCok