Arysta kóktem bastalǵaly beri shirkeige qarsy dezinsektsiialyq jumystar júieli túrde júrgizilýde. Biyl bul sharalar naýryz aiynan bastalyp, josparǵa sáikes shilde aiyna deiin jalǵasatyn bolady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Arys qalasyna qarasty eldi mekender úsh sektorǵa bólinip, árqaisysynda naqty jospar negizinde jumystar uiymdastyrylǵan. Atap aitqanda, №7 sektorǵa Baitoǵai, Qojatoǵai, Shógirli, Aqyn-Jaqyp eldi mekenderi, №8 sektorǵa Baiyrqum, Kókjide, Jideli, al №9 sektorǵa Aqqala men Josaly eldi mekenderi kiredi.
Búgingi tańda ǵylymi toptyń qorytyndysyna (nusqamaǵa) súiene otyryp, dezinsektsiia jumystary eki túrli ádispen júrgizilýde. Dernásildermen kúresý úshin sý qoimalaryna biologiialyq preparattar jiberý ádisi qoldanylsa, shirkeilerdiń shoǵyrlaný qaýpi joǵary aimaqtar — sý qorǵaý aýmaqtary, jaǵalaýdaǵy aǵashtardyń butalary, eldi mekender men oǵan jaqyn ornalasqan 10-15 shaqyrym jerler himiialyq ádispen zalalsyzdandyrylýda.
Ár sektorda arnaiy tehnika men bilikti mamandar jumyldyrylǵan. Naqtyraq aitsaq, 2 dana dezinsektsiialyq tehnika, 5 dezinfektor mamany jáne 1 ǵylymi súiemeldeýshi maman turaqty túrde jumys júrgizýde.
Atalǵan jumystardyń sapaly ári ýaqytyly oryndalýy úshin kúndelikti baqylaý men qadaǵalaý da uiymdastyrylǵan. Bul jumystardy oblystyq energetika jáne turǵyn úi-kommýnaldyq sharýashylyq basqarmasy men Arys qalasy ákimdigi jáne aýyldyq okrýgterdiń jaýapty mamandary jiti qadaǵalaýda ustap otyr.
Shirkeige qarsy atqarylyp jatqan bul keshendi sharalar turǵyndardyń densaýlyǵyn qorǵaýǵa, jaily ómir súrýine jáne sanitarlyq jaǵdaidy jaqsartýǵa baǵyttalǵan.
