Arys qalalyq mádeniet úiinde 1 qazan – Halyqaralyq qarttar kúnine orai merekelik shara ótti. Sharaǵa qalalyq Ardagerler keńesi músheleri men ár salada eńbek etken ardagerleri arnaiy shaqyrylyp, erekshe qurmet kórsetildi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Arys qalasy ákimi Gúljan Qurmanbekova ardaqty ardagerlerdi aitýly kúnmen quttyqtap, jalpyqalalyq mádeni sharalarǵa belsendi qatysyp, salamatty ómir saltyn ustanǵan jáne qalamyzdyń damýyna zor úles qosqan ata-ájelerdi medalmen jáne Alǵys hatpen marapattady.
Shahar basshysy quttyqtaý sózinde ardagerlerdiń el men jerdiń damýyna qosqan úlesi orasan ekenin atap ótip, olardyń danalyǵy men ómirlik tájiribesi keleshek urpaqqa úlgi ekenin aitty.
Sharada Mádeniet úiiniń ónerpazdary ardagerlerdiń qurmetine án men biden, sahnalyq qoiylymdardan turatyn áserli kontserttik baǵdarlama daiyndap, merekeni shynaiy qýanyshqa bóledi. Shara barysynda ardagerler ózderiniń estelikterimen bólisip, bir-birine jyly lebizderin bildirdi.
Sonymen qatar 300-ge jýyq ardagerge merekelik syilyqtar tabystalyp, olardyń ómirlik eńbekteri men qoǵamdaǵy orny taǵy bir márte qurmetteldi.
Merekelik shara ardagerlerge degen qurmet pen izettiliktiń aiqyn kórinisi bolyp, erekshe kóńil kúimen aiaqtaldy.
