«Arys jaǵasynda» retro-festivali tuńǵysh ret Túrkistanda ótdi
Túrkistan oblysyna ǵana tán festivaldiń maqsaty - barsha qazaqtyń maqtanyshyna ainalǵan jergilikti kompozitorlardy, óner ujymdary men ánshilerdi dáripteý, olardyń shyǵarmashylyǵyn nasihattaý.
Biylǵy jyr keshine QR Mádeniet qairatkerleri ánshi-sazger Marat Omarov, Jubanysh Jeksenuly, Hadisha Shalabaeva, Qazaqstannyń eńbek sińirgen qairatkeri, ánshi Aigúl Imanbaeva, ánshi-sazger Zattybek Kópbosynuly, Asqar Jailaýbaev, «Astana», «Qarǵabai», "Arbat", "Saryn" toptary óner kórsetpek. Ónerpazdar jergilikti sazgerlerdiń halyq arasynda keńinen taraǵan ánderin oryndaidy.
Shámshi Qaldaiaqov bastaǵan Túrkistan oblysynan shyqqan mýzyka maitalmandary qazaq óneriniń daýmyna ólsheýsiz úles qosqany belgili. Sol sebepti sharany uiymdastyrýshylar halyq arasynda ult mýzykasynyń ustyny bolǵan óner ieleriniń murasyn nasihattaý úshin atalǵan retro-festivaldi arnaiy uiymdastyryp otyr.
«Arys jaǵasynda» retro - festivali 2010 jyldan bastap Shymkent qalasyndaǵy Sh.Qaldaiaqovtyń atyna berilgen gúlzarda jyl saiyn ótkizilip kelse, biyl tuńǵysh ret oblys ortalyǵy – Túrkistan qalasynda uiymdastyrylyp otyr.
Túrkistan oblysy ákiminiń baspasóz qyzmeti
