تۇركىستان وبلىسىنا عانا ءتان فەستيۆالدىڭ ماقساتى - بارشا قازاقتىڭ ماقتانىشىنا اينالعان جەرگىلىكتى كومپوزيتورلاردى، ونەر ۇجىمدارى مەن انشىلەردى دارىپتەۋ، ولاردىڭ شىعارماشىلىعىن ناسيحاتتاۋ.
بيىلعى جىر كەشىنە ق ر مادەنيەت قايراتكەرلەرى انشى-سازگەر مارات وماروۆ، جۇبانىش جەكسەن ۇلى، حاديشا شالابايەۆا، قازاقستاننىڭ ەڭبەك سىڭىرگەن قايراتكەرى، ءانشى ايگۇل يمانبايەۆا، انشى-سازگەر زاتتىبەك كوپبوسىن ۇلى، اسقار جايلاۋبايەۆ، «استانا»، «قارعاباي»، "اربات"، "سارىن" توپتارى ونەر كورسەتپەك. ونەرپازدار جەرگىلىكتى سازگەرلەردىڭ حالىق اراسىندا كەڭىنەن تاراعان اندەرىن ورىندايدى.
ءشامشى قالداياقوۆ باستاعان تۇركىستان وبلىسىنان شىققان مۋزىكا مايتالماندارى قازاق ونەرىنىڭ داۋمىنا ولشەۋسىز ۇلەس قوسقانى بەلگىلى. سول سەبەپتى شارانى ۇيىمداستىرۋشىلار حالىق اراسىندا ۇلت مۋزىكاسىنىڭ ۇستىنى بولعان ونەر يەلەرىنىڭ مۇراسىن ناسيحاتتاۋ ءۇشىن اتالعان رەترو-فەستيۆالدى ارنايى ۇيىمداستىرىپ وتىر.
«ارىس جاعاسىندا» رەترو - فەستيۆالى 2010 جىلدان باستاپ شىمكەنت قالاسىنداعى ش.قالداياقوۆتىڭ اتىنا بەرىلگەن گۇلزاردا جىل سايىن وتكىزىلىپ كەلسە، بيىل تۇڭعىش رەت وبلىس ورتالىعى – تۇركىستان قالاسىندا ۇيىمداستىرىلىپ وتىر.
تۇركىستان وبلىسى اكىمىنىڭ باسپا ءسوز قىزمەتى
