Aýyl sharýashylyǵy vitse-ministri Azat Sultanov Úkimet otyrysynan keiin Araldy jańbyr sýymen toltyrý jobasyn kóterip júrgen Altai Ainabek týraly pikir bildirip, bul tásildi jan-jaqty zertteý kerek ekenin aitty,
«Ekologiia ministrligimen birge jumys istedik. Biraq qazirgi tańda eshqandai ǵylymi qorytyndy da, naqty tájiribe de joq. Sondyqtan naqty birdeńe aitý qiyn. Ondai jobaǵa sýbsidiia berý degen bizde eshqandai zańǵa jatpaidy», - dedi Azat Sultanov.
Onyń sózinshe, ministrlik zańdy birneshe ret zerttegen, ári olarǵa mundai joba usynǵan sheteldikter de bolǵan kórinedi.
«Mańǵystaý, Batys Qazaqstan óńirlerinde 2-3 jyl buryn sýmen problema bolǵanyn biletin shyǵarsyz. Sol kezde bult shaqyryp, jańbyr jaýǵyzaiyq degen usynys berildi. Biraq bul máseleniń birneshe qyry bar. Bir jaǵynan ekologiianyń máseleleri de bar. Bul - tabiǵat qoi. Bir jerde jańbyr jaýǵanymen, kelesi bir jerge ziiany tiiýi múmkin. Myna jerde jańbyr jaýǵanymen, basqa jerden ylǵaly aýyp ketýi múmkin. Onyń bárin zertteý qajet», - dedi ol.
