اۋىل شارۋاشىلىعى ۆيتسە-مينيسترٸ ازات سۇلتانوۆ ٷكٸمەت وتىرىسىنان كەيٸن ارالدى جاڭبىر سۋىمەن تولتىرۋ جوباسىن كٶتەرٸپ جٷرگەن التاي اينابەك تۋرالى پٸكٸر بٸلدٸرٸپ, بۇل تەسٸلدٸ جان-جاقتى زەرتتەۋ كەرەك ەكەنٸن ايتتى,
«ەكولوگييا مينيسترلٸگٸمەن بٸرگە جۇمىس ٸستەدٸك. بٸراق قازٸرگٸ تاڭدا ەشقانداي عىلىمي قورىتىندى دا, ناقتى تەجٸريبە دە جوق. سوندىقتان ناقتى بٸردەڭە ايتۋ قيىن. ونداي جوباعا سۋبسيدييا بەرۋ دەگەن بٸزدە ەشقانداي زاڭعا جاتپايدى», - دەدٸ ازات سۇلتانوۆ.
ونىڭ سٶزٸنشە, مينيسترلٸك زاڭدى بٸرنەشە رەت زەرتتەگەن, ەرٸ ولارعا مۇنداي جوبا ۇسىنعان شەتەلدٸكتەر دە بولعان كٶرٸنەدٸ.
«ماڭعىستاۋ, باتىس قازاقستان ٶڭٸرلەرٸندە 2-3 جىل بۇرىن سۋمەن پروبلەما بولعانىن بٸلەتٸن شىعارسىز. سول كەزدە بۇلت شاقىرىپ, جاڭبىر جاۋعىزايىق دەگەن ۇسىنىس بەرٸلدٸ. بٸراق بۇل مەسەلەنٸڭ بٸرنەشە قىرى بار. بٸر جاعىنان ەكولوگييانىڭ مەسەلەلەرٸ دە بار. بۇل - تابيعات قوي. بٸر جەردە جاڭبىر جاۋعانىمەن, كەلەسٸ بٸر جەرگە زييانى تييۋٸ مٷمكٸن. مىنا جەردە جاڭبىر جاۋعانىمەن, باسقا جەردەن ىلعالى اۋىپ كەتۋٸ مٷمكٸن. ونىڭ بەرٸن زەرتتەۋ قاجەت», - دەدٸ ول.
