Aqtóbeniń bas politseii qazaqsha bilmei, jurttyń ashýyn týǵyzdy
Resmi tilde baiandama oqyǵan podpolkovnikke qoǵamdyq keńeske qatysýshylar qazaq tilinde suraqtar qoidy. Basshy memlekettik tilde qoiylǵan birneshe suraqqa resmi tilde jaýap bergen bolatyn. Etikalyq jaǵdai týraly baiandama jasap turǵan basshynyń qylyǵy qoǵam qairatkerleriniń ashýyna tidi.
– Qyzmet kórsetýdiń basy – tilden bastalady. Quqyq qorǵaý qyzmetkerlerine memlekettik tilde suraq qoisa, memlekettik tilde jaýap bermese etikaǵa jata ma? Jaýap bere almasańyz, bere almaitynyńyzdy aitańyz, – dedi keńeske qatysýshylar.
– Jaýap bere almaimyn, – dedi IID basshysynyń orynbasary.
– Quqyq qorǵaý mekemesinde laýazymdy qyzmette otyrǵan basshynyń qazaq tilin bilmeýi uiat. Organda otyrǵandarǵa qazaq tilin úirete almai otyrǵanymyzǵa neshe jyl boldy?! Osyndailar prezidenttiń jańǵyrý baǵdarlamasynyń damýyna kedergi keltirip otyr. Ózimizdiń aramyzda memlekettik tilde sóilese almaý degen uiat, – dedi dúniejúzi qazaqtar qaýymdastyǵy Aqtóbe oblystyq filial basshysy Bazarbai Imanov.
Qoǵamdyq keńes tóraǵasy Qýanysh Elýbaevtyń ózi politsiia jumysyna kóńili tolmaitynyn aitty. Departamenttiń syrtpen baslanysy joq. Aqtóbedegi IID qoǵamdyq keńes tarapynan joldanǵan hatqa da jaýap bermegen. Departament ókilderin qoǵamdyq keńestiń ózine jalynǵandai bolyp shaqyryp alǵan.
– Qoǵamdyq keńeske shaqyrǵan hatymyzǵa jaýap bolǵan joq. Departamentke baryp hatty kórsetip, tirkelgen nómirdi kórsetkenniń ózinde olar hatty almaǵandaryn aitty, – dedi qoǵamdyq keńes tóraǵasy Qýanysh Elýbaev.
Oblys əkimdiginde ótken qoǵam keńes til məselesine qatysty úlken daýmen aiaqtaldy.
