اقتٶبەنٸڭ باس پوليتسەيٸ قازاقشا بٸلمەي, جۇرتتىڭ اشۋىن تۋعىزدى
رەسمي تٸلدە بايانداما وقىعان پودپولكوۆنيككە قوعامدىق كەڭەسكە قاتىسۋشىلار قازاق تٸلٸندە سۇراقتار قويدى. باسشى مەملەكەتتٸك تٸلدە قويىلعان بٸرنەشە سۇراققا رەسمي تٸلدە جاۋاپ بەرگەن بولاتىن. ەتيكالىق جاعداي تۋرالى بايانداما جاساپ تۇرعان باسشىنىڭ قىلىعى قوعام قايراتكەرلەرٸنٸڭ اشۋىنا تيدٸ.
– قىزمەت كٶرسەتۋدٸڭ باسى – تٸلدەن باستالادى. قۇقىق قورعاۋ قىزمەتكەرلەرٸنە مەملەكەتتٸك تٸلدە سۇراق قويسا, مەملەكەتتٸك تٸلدە جاۋاپ بەرمەسە ەتيكاعا جاتا ما? جاۋاپ بەرە الماساڭىز, بەرە المايتىنىڭىزدى ايتاڭىز, – دەدٸ كەڭەسكە قاتىسۋشىلار.
– جاۋاپ بەرە المايمىن, – دەدٸ ٸٸد باسشىسىنىڭ ورىنباسارى.
– قۇقىق قورعاۋ مەكەمەسٸندە لاۋازىمدى قىزمەتتە وتىرعان باسشىنىڭ قازاق تٸلٸن بٸلمەۋٸ ۇيات. ورگاندا وتىرعاندارعا قازاق تٸلٸن ٷيرەتە الماي وتىرعانىمىزعا نەشە جىل بولدى?! وسىندايلار پرەزيدەنتتٸڭ جاڭعىرۋ باعدارلاماسىنىڭ دامۋىنا كەدەرگٸ كەلتٸرٸپ وتىر. ٶزٸمٸزدٸڭ ارامىزدا مەملەكەتتٸك تٸلدە سٶيلەسە الماۋ دەگەن ۇيات, – دەدٸ دٷنيەجٷزٸ قازاقتار قاۋىمداستىعى اقتٶبە وبلىستىق فيليال باسشىسى بازارباي يمانوۆ.
قوعامدىق كەڭەس تٶراعاسى قۋانىش ەلۋباەۆتىڭ ٶزٸ پوليتسييا جۇمىسىنا كٶڭٸلٸ تولمايتىنىن ايتتى. دەپارتامەنتتٸڭ سىرتپەن باسلانىسى جوق. اقتٶبەدەگٸ ٸٸد قوعامدىق كەڭەس تاراپىنان جولدانعان حاتقا دا جاۋاپ بەرمەگەن. دەپارتامەنت ٶكٸلدەرٸن قوعامدىق كەڭەستٸڭ ٶزٸنە جالىنعانداي بولىپ شاقىرىپ العان.
– قوعامدىق كەڭەسكە شاقىرعان حاتىمىزعا جاۋاپ بولعان جوق. دەپارتامەنتكە بارىپ حاتتى كٶرسەتٸپ, تٸركەلگەن نٶمٸردٸ كٶرسەتكەننٸڭ ٶزٸندە ولار حاتتى الماعاندارىن ايتتى, – دەدٸ قوعامدىق كەڭەس تٶراعاسى قۋانىش ەلۋباەۆ.
وبلىس əكٸمدٸگٸندە ٶتكەن قوعام كەڭەس تٸل مəسەلەسٸنە قاتىستى ٷلكەن داۋمەن اياقتالدى.
